食盡尖沙咀 – 大大條八爪魚 厚身烤五花腩

一直都覺得呢度既野食好靚,自從K11開左唔少小品牌之後,可以睇到唔少外面無既品牌,行過文青既商場店舖,就會入到去嘆番個悠閒既下晝。由於未食野太肚餓所以叫左好多野食,《燒八爪魚一黎見到勁大條八爪魚腳圍住,食落太有韌勁,米型粉蕃味幾濃同有辣肉腸伴上,另外有一塊墨汁脆片真係超脆身同好有特色。

Read more

食盡旺角 – 星座主題餐廳 塔羅占卜問前程

外國既Cafe經常都會有主題有故事,香港就好似比較少呢類cafe,而家呢度就有呢間星座做主題,仲要加幾十蚊就有得玩塔羅占卜。野飲既杯墊有印有星座好特别,《天秤》其實係朱古力奶蓋,《摩羯》就係黑加侖子梳打,入面攪匀會有泡泡好似發光咁好靚。一場黎到戲玉緊係唔少得會玩埋塔羅,可以問一條問題去測半年既運程,一班人坐下傾下計幾舒服,仲有塔羅玩下幾得意。

Read more

食盡九龍灣 – 勁大塊牛扒 冬蔭公意大利飯

連鎖餐廳黎講simplylife都係得體又保持到水準既一間,裝修得好睇有氣氛之外,去過幾次服務都唔錯幾有禮貌又幾醒去主動幫你。因為唔想到時無位一早用左The Gulu app訂位。主菜《燒美國安格斯肉眼扒》,有成10安士真係激大塊,網紋面好靚仲好有油脂,加上薯條同大大條蘆荀做配菜,成碟真係好有份量。

Read more

食盡觀塘 – 工廈新發現 隱閉木門小店

其實好耐之前上工廈覓食已經見到佢,不過見一大道木門常關就無入到去試,情人節搵搵下又見到menu唔差就揀左試下。主菜係《美國安格斯肉眼》五成已經切好左上方便食,不過再切下發現好多根位同咬落肉質都韌左少少,配左個《南瓜利可他芝士酥皮卷》,酥皮夠脆芝士好多食完都幾漏。另外有整到心心型既蘿蔔好有心思。

Read more

食盡觀塘 – 脆炸黑松露薯條 鹽焗原條鱸魚

新年之前高高興興放假,咁開心緊係要應下景食番餐高興,夜晚去仲係超多人,位都坐滿哂,同之前既設計都無咩變。一入去當然會見到呢個妹妹理髮廳,其實係類似bar枱一樣,可以坐係度食野,一直覺得望住塊鏡見到自己食野個場面好搞笑。《地中海香魚焗原條鱸魚》,用錫紙包住勁多鹽焗中間再塞香草入魚,相機食完店員先再拎入去拆開,一黎果時既樣真係超壯觀。

Read more

食盡觀塘 – 觀塘兄弟檔 田螺焗薯蓉

今次呢間真係隱世小店,行到勁入既工業大廈再要上樓,再入去呢個唔起眼既門口,原來係兩兄弟夾份開既餐廳。地方夠闊落,可能實在太隱世真係無咩人,門口都放左個裝飾櫃,店主其實好有心機,仲會介紹唔同菜式,仲同我地講如果早啲打上去可以特別幫我地設計野食添。店主推介食既《法式焗田螺》,粒粒田螺勁大隻,提左我地食完要倒埋螺入面既油落薯蓉食,撈埋真係勁香勁滑。

Read more

食盡上環 – 不要問 只要坐低飲咖啡

係中上環呢啲咁趕咁忙既地方,有一間樓底極闊落,坐落勁舒服,掛滿綠色植物既地方,絕對係輕鬆一下既好地方。成店都掛上左好多綠色植物,差唔多每張台既頭頂都會有感覺係鬧市入面好綠州既感覺,再加上有少少木系設計,同湖水藍色既座椅成個感覺好柔和。悠閒既時侯一定要飲咖啡,《法式焦糖燉蛋泡沫咖啡》,面頭只有小範圍燒到脆身,飲完咖啡暖笠笠最岩天塞地凍入去坐下嘆下。

Read more

食盡觀塘 – 拉芝Pizza 木系紅磚牆

以前黎過一次貪佢夠平又夠快,幾十蚊就可以食個意粉,估唔到而家加左價,場內都無咩人有三四台食緊。用上左木系家俬同有半道既紅磚牆。坐位都幾闊落,有高台位再加上格仔牆都幾有Feel。主食叫《黑松露芝士薄餅》,黑松露聞落幾香,熱辣辣仲有拉芝效果,餅底食落好似超級市場現成餅底,芝士都算多既。

Read more

食盡太子 – 打開立體餐牌 轉轉旋轉木馬

太子變左幾間cafe集中地,門口已經放左兩個木馬裝飾,果然夠哂吸引人,入面都幾細,放埋哂位一齊坐得都幾密。門口就係放左呢一大一細既旋轉木馬,岩哂你等位果時影下相,又可以望下,上面果個都幾靚同真係好大個。最吸晴莫過於呢個相片牆,好多黎幫襯既客人既即影即有相,仲有埋日期係上面,下次自己黎睇番都得呀。打開餐牌一望超有驚喜,居然有個立體旋轉木馬,好似以前收聖誕卡一樣,一打開就會有個立體圖案出現左。

Read more

食盡九龍城 – 得獎咖啡師主理 九龍城高質Cafe

去親九龍城都係食泰菜,今次試下呢間得獎咖啡師主理既小店,地舖有得坐下外面嘆下咖啡,一入去已經聞到一陣咖啡香。一場黎到緊係要叫咖啡,居然會用上好少人用既虹吸方法,因為呢種方法比起手沖實在見得少之有少,成個過程就好似睇緊藝術品一樣。試左呢杯《危地馬拉拉米尼塔花神》,飲落花香味較重較易入口,咖啡師都好有心機都介紹咖啡特質抵讚。

Read more