食盡銅鑼灣 – 萬聖節黑媽媽套餐 火燒血淋淋燒肉

一黎到10月即係就黎到萬聖節,今次連韓式既燒烤店都搞搞震整整新意思,推出黑暗韓烤夜,食個黑媽媽既套餐。《血淋淋韓牛肉眼 》《血淋淋韓牛牛前胸》,食得韓燒點可以無牛肉,仲要係提供韓牛,紅卜卜夠哂血淋淋,店員親自幫你燒,仲配上香草墊低,食落牛味濃肉脂豐富仲有陣陣香草味。

Read more

食盡尖沙咀 – 即席現場手製 健康綠茶薄餅

韓國大熱人氣薄餅店終於登陸九龍,仲要係正公司附近點可以唔食,呢間店係韓國已經有超過600間分店,更加係韓國被消費者評為最佳年度品牌。最出名既係薄餅一定要試,《香芒海洋》,薄底用上左綠茶麵糰同12種穀物如黑麥、黑米、大麥和燕麥,望落有啲抹茶色而食落唔會好乾身,均匀咁舖左芒果帶子鮮蝦同魷魚,最緊要係好多芝士呀。

Read more

食盡葵芳 – 劉大神代言炸雞 夏日芝味套餐

韓國菜點會少得食炸雞,之前去韓國已經食過,自從韓國著名既國民MC劉在錫代言既炸雞黎香港,咁耐之後今次都係第一次係香港食。主菜就係呢一個《層層叠拼盤》有齊炸雞炸蝦同蟹鉗,叠到超高食完真係超飽,夏日配上士多啤梨芝士醬,層叠層底下再加上芝士龍蝦通粉芝士迷至愛。

Read more

食盡大埔 – 韓國人主理 激脆海鮮煎餅

係大埔谷有人推薦呢間韓國野好食,係韓國人主理既小店,都係做一啲家常菜式,有一晚大家都係無飯家庭,一於去會一會佢。家庭式小店有二三十個位左右,由韓國人主理,成個設計都係行家庭簡約風,另外除左普通家常小菜都仲有得做韓式燒烤。去到韓國餐廳緊要叫作為國民美食《炸醬麵》,濃黑既炸醬加埋肉丁撈埋麵條食,岩岩好無燶到,炸醬份量又可以沾滿每條麵條。

Read more

食盡銅鑼灣 – 多料海鮮火鍋 雙拼無骨炸雞

除左尖沙咀韓國街好多韓國野食之外,銅鑼灣都有唔少韓國餐廳,尤其樓上舖就愈開愈多,呢間樓上店就聚集左好多年輕人幫襯。先黎左一個《海鮮嫩豆腐火鍋》,入面都幾多材料,海鮮都已經有蜆,青口,蝦仔同魷魚,每樣都有幾隻份量都唔少。叫左少辣但係食落都會有少少辣度,一黎既時候見到大大舊原個豆腐放係上面,上面再加好多醬,煮到紅卜卜好吸引。

Read more

食盡中環 – 中環韓牛火鍋 惹味泡菜牛肉湯

平時韓國野食牛通常都係韓燒多,今次呢度韓燒之外仲有邊爐揀,用上左高質韓牛仲有幾個湯底可以揀,韓迷食番餐去一解鄉愁。火鍋有四種湯底可以揀,我地點左《雪濃湯底》同《泡菜牛肉湯底》滾起左之後試下個雪濃湯好清甜,泡菜湯就香香辣辣咁好惹味。呢度韓牛專門店,重點緊係呢個1++韓牛,點左兩隻款分別係《肉眼》同《後腿底板肉》,後腿底板肉食完之後真係覺得係必叫,真係有入口即溶既感覺。另外肉眼都係淥一陣就食得,肉眼食落就比較實身一啲,牛味都好重,加上泡菜味更加香口。

Read more

食盡銅鑼灣 – 滑嘟嘟炸雞 限定芝士炸雞

補祝各位新年快樂,黎緊一年搵多啲,點食都瘦,愈黎愈靚,趁芝士火鍋延期到二月先完,前排去左團年食番餐。幾個人叫左大份量啲《特級芝士火鍋》,勁鍾意食既超脆農夫包粒,點芝士真係勁夾,都幾大盤麵包粒又夠脆點滿芝士正到爆。另外仲包左手工流心芝士年糕同紫薯年糕,點完芝士仲食到入面有流心,仲有勁大盤炸薯條,另外有幾大舊豬仔骨不過肉質都幾鞋同韌。

Read more

食盡天水圍 – OPPA燒韓牛 原隻超大八爪魚

成日話呢個天水圍城無好野食,今次就去搵下正野,呢間韓燒店超大間,係正天水圍既新裝修街市旁邊夠方便,行入去好多人燒緊,但係無油煙味亦無成店都係煙。店內貼上左好多韓國電影既大海報,仲有好多唔同既韓文小海報同埋韓文燈箱,整到好似成條街咁,成個感覺就好似入左去韓國食店一樣。塊韓牛肉眼真係又大舊又厚,啲油花又勁靚,仲有oppa幫我地燒,燒到半成就會問要唔要熟啲好貼心,一咬啲牛口真係超好食,仲有牛脂爆哂出黎。

Read more

食盡尖沙咀 – 必食限定雪糕 林柿搭上雪糕

由Popup去到實體店,點都要再會一會韓國過江龍雪糕,成日都會推出限定口味,今次仲有好特別全港獨有既林柿味,一於試一試。店面都沿用左一貫既色調,同之前Popup Store一樣既設計,金黃色醒神之外又搶眼。全港獨有限定既《林柿牛奶雪糕》,用左韓國空運既柿,食落超香林柿味又夠香甜,食完一杯想再食多杯。

Read more