食盡銅鑼灣 – 台灣珍煮丹到港 必飲招牌黑糖珍珠鮮奶

珍煮丹終終衝出台灣喇,好幸運咁就係第一站登陸香港,正式開張之後終於咁近唔駛飛台灣都飲得到喇,當然一開就勁多人會排隊。一定要飲既係《黑糖珍珠鮮奶》,黑糖珍珠熱辣辣咁放入去,店員好好咁提醒會熱到冰溶可以要多啲冰,攪匀哂就飲得個奶味好濃,珍珠夠煙韌同黑糖味真係好香。

Read more

食盡銅鑼灣 – 新加坡天天海南雞 煙霧瀰漫咕嚕肉

新加坡天天海南雞首開海外分店,連埋幾間人氣米芝蓮店座落銅鑼灣,到而家都仲勁多人排隊,果日八點幾去到條隊仲係勁長。一場黎到緊係唔少得主角既《天天海南雞》同《天天石窩雞飯》,用上番總店既雞再落湯煮,再放冰水令肉質更鮮嫩,雞味濃厚再配上左秘製醬汁,一啖雞一啖雞湯煮既黃油飯夠滿足。

Read more

食盡銅鑼灣 – 銅鑼灣地下居酒屋 厚切新鮮魚生飯

係銅鑼灣大街旁有間居酒屋,今次我地唔去樓上舖,調一調轉要去樓下舖,旁邊好多唔同商店搶哂鏡,要細心啲睇先唔會錯過。見到呢個好吸引既《市場四色丼》,一碗有齊哂三文魚帶子甜蝦同劍魚,食落又真係唔細碗,百幾蚊真係幾抵食,仲要刺身夠新鮮同勁厚切。

Read more

食盡銅鑼灣 – 即場表演甜品騷 自家製高水準甜品

甜品食得多即場係你面前畫又食過未,即叫即揀枱墊就有專人介紹同即砌即畫,真係一面欣賞住藝術品一面又可以食甜品一舉兩得。《席前甜品》個完成品出左黎真係好多唔同既材料,睇上去真係成幅畫咁好色彩繽紛,當然見到每個人都會不停咁影相打卡留念喇。

Read more

食盡銅鑼灣 – 台灣嘛嘛地到港 辣辣打拋豬烏冬

嘛嘛地唔通真係嘛嘛地咩,食過你就知味道,台灣黎既咖啡店,一貫台灣咖啡店作風,環境好舒服同好多好正既標語。主食就叫左《千島軟殻蟹芝士比薩》,真係一大隻軟殻蟹上,仲要面層炸得勁香脆,Pizza夠薄身咬落又勁脆,上面仲有菠蘿同蟹肉,最正係居然有薯蓉做餡呀。

Read more

食盡銅鑼灣 – 招牌三合一牛肉麵 入味鹵水大腸

超蓮黎香港開既牛肉麵,到而家都仲係日日排哂隊,今次六點去到未有太多人食晚餐,終於無人排隊即入去食,不過可惜見唔到老闆娘。《紅燒招牌三合一》,三合一包括左牛肉牛筋同牛肚,牛筋軟腍牛肚都爽口,牛肉湯用牛骨同中藥製成,飲完唔會有成口味精口乾感。

Read more

食盡銅鑼灣 – 樓上舖越南河 牛油果奶昔

其實我真係好鍾意食生牛肉,接近每次叫河粉都一定叫,呢度招牌緊係由細到加加大都有得揀,想一碗獨食兩三個人一齊食都得。一定要試生牛肉,所以叫左《生牛肉牛坑腩片湯粉XL》,叫左加大兩個人都絕對夠食,各有七至八塊既牛肉同牛腩,牛坑腩係爽口唔淋身,個湯都幾重味不過唔係好夠熱,所以生牛肉真係撈少少生生地食,河粉唔痴埋一舊算正常。

Read more

食盡銅鑼灣 – 台大學生票選第一 迷客夏登港

作為台灣大學生票選第一,加上開業買一送一,最後好有毅力咁排左個半鐘再等左個幾鐘先有得飲,下晝已經無哂黑糖芋頭同奶蓋。叫左兩杯《出雲抹茶鮮奶加珍珠》,白珍珠用左冷熱交替同蜂蜜浸泡煙韌又甜蜜,抹茶用左出雲抹茶夠清香,不過無用透明杯睇唔到靚爆漸層。《柳丁綠茶》台灣一出真係超瘋狂,用上嘉義橙汁加綠茶,綠茶甘香橙汁多香仲有啲果肉好新鮮,消暑一流。

Read more

食盡銅鑼灣 – 東京人氣班戟 厚身原味班戟

呢間東京過江龍開左咁耐就排足咁耐,終於的起心肝去排黎食,果然一去都仲係好多人排緊隊,不過通常都唔算食得好耐都幾快到。用左最鍾意既藍色餐紙,叫左《Kiseki原味班戟》,叫完之後又等左四五個字,有三大塊聞到有蛋香味,較為淋身食落較為濕潤,蛋味都出同忌廉都細滑。

Read more

食盡銅鑼灣 – 一把火點起燒 沖繩石垣牛

去過沖繩食石垣牛就覺得好正,沖繩過江龍本身係日本都有十幾間分店,而家開到黎香港喇,食肉獸既我緊要去試。一場黎到緊係要食招牌既《石垣和牛88火焰牛扒》,真係一黎就要準備相機,店員一倒落去就勁大火,燒一燒就會熄左,雄雄烈火燒完之後倒埋自家蒜蓉醬,牛扒中間依然嫩紅,食落牛味都出肉質有咬口,大家可以先叫生啲因為鐵板燒完會令牛扒更熟。

Read more