食盡深水埗 – 深水埗越南小餐廳 蟹膏蕃茄湯濛

深水埗好多小店,呢間開左幾年既越南店經常都好多人,而且係越南師傳坐陣炮製美食,除左要排長龍之外,入面既位真係幾擠迫。九成都會叫呢個招牌菜,《蟹膏蕃茄湯檬》,份量唔少有蕃茄豬紅札肉等等,最吸引緊係果一大塊蟹膏,湯底個蟹味好濃,檬粉都已經好入味。

Read more

食盡中環 – 蔡瀾打理牛肉粉 越南粉無限添加

蔡瀾親自主理既牛肉河粉店,採用左勇記既獨家配方,無論好唔好天經常性都係排滿人,果日去到仲有幸見到蔡瀾係度用餐添呀。貪心啲想試哂咁多樣野就要左個特別版《特別牛肉湯河粉》,入面有哂生牛肉、金錢腱、牛筋、牛栢葉、牛腩、貝殻牛肉丸,最鍾意食牛肉丸夠香同牛腩好淋。

Read more

食盡銅鑼灣 – 樓上舖越南河 牛油果奶昔

其實我真係好鍾意食生牛肉,接近每次叫河粉都一定叫,呢度招牌緊係由細到加加大都有得揀,想一碗獨食兩三個人一齊食都得。一定要試生牛肉,所以叫左《生牛肉牛坑腩片湯粉XL》,叫左加大兩個人都絕對夠食,各有七至八塊既牛肉同牛腩,牛坑腩係爽口唔淋身,個湯都幾重味不過唔係好夠熱,所以生牛肉真係撈少少生生地食,河粉唔痴埋一舊算正常。

Read more

食盡旺角 – 食盡泰越菜 足料椰子烏雞湯

一間餐廳有哂泰越菜食,咁就唔駛爭崩頭去揀喇,一上去完來全層都係屬於佢地,一坐低已經聞到隔離食龍蝦好香。入面成層都係餐廳既,仲會見到好大個酒吧,上面放左唔少酒,食住炸野燒烤絕對可以飲番杯襯番。搵過見燉湯好正一定要叫,叫左個《椰子烏雞排骨燉湯》,飲落真係好清甜,仲勁足料勁多椰子,仲有幾舊排骨粒,啲烏雞都燉到好淋。

Read more

食盡大埔 – 開到黎大埔 足料湯濃越南粉

錦麗終於開到黎大埔,點可以睇少大埔街坊既威力,少不免會排哂長龍,真係排好耐先入到,終於唔駛出九龍都有得食。店面都係用上左藍黃色做設計,掛住左好多唔同既報導,店仔細細不過設計得都幾有心思。千祈唔好話有無攪錯,呢度名乎其實係得牛牛粉食,次次食都叫《錦麗綜合粉》,有哂生牛肉熟牛肉牛丸,至愛食牛丸好夠味,記得要飲啖湯先好開始食,飲得到果啖精華。

Read more

食盡銅鑼灣 – 嘆越式龍蝦球 必叫燒牛肉

時代廣場食通天都開左好多野食,食越南野既呢間都幾多人係外面等位,之前食過一次都唔錯決定再Encore。最想食既《拉椰葉燒牛肉》,一黎就聞到勁香,打開塊葉牛肉超熱辣辣,仲保留左啲肉汁係入面,見到入面牛脂迫出黎既油仲包住哂係度超好食。

Read more