食盡觀塘 – 飲杯白酒食生蠔 豪嘆烤焗海鮮盤

放工就緊係想輕鬆下食餐好,去到觀塘潮食生蠔飲白酒,呢間店幾區都有分店專食海鮮,百幾蚊有龍蝦既海鮮冷盤真係抵。《二人白酒生蠔餐》,餐入面有杯白酒配生蠔岩哂,生蠔係美國中碼生蠔六隻,中碼都幾肥美同大隻而海水味都幾濃。

Read more

食盡觀塘 – 火焰燒豬手 約會觀塘二月

觀塘愈開愈多高質既小店,當然要瓹竉瓹罅周圍搵食,近排餐廳推出左個紅酒啤酒任飲,仲有小食跟埋都好吸引,不過今次我地係俾個火焰燒豬手吸引黎既。最吸引一定係呢個《德國火焰咸豬手》,豬手原隻上再用火即場燒真係超吸引,絕對俾時間大家相機食先,燒完之後先拎入去切,成道菜夠哂表演性,燒完之後食落皮脆肉嫩。

Read more

食盡觀塘 – 自家制手工意粉 士多啤梨雪糕加醋

意大利籍廚師主理家庭式意大利菜,將真正意大利家庭既日常菜帶到香港,除左堂食仲可以外賣手工意粉自己煮。留意番只開一至六1130-1700,大家唔好摸門釘。先試《意大利手工波菜芝士雲呑》,上枱後即磨芝士上面,雲呑形狀工整,釀入Ricotta芝士同菠菜,成個口感較為黏身,餡料有芝士香再加上香氣十足黑松露汁。

Read more

食盡觀塘 – 工廈新發現 隱閉木門小店

其實好耐之前上工廈覓食已經見到佢,不過見一大道木門常關就無入到去試,情人節搵搵下又見到menu唔差就揀左試下。主菜係《美國安格斯肉眼》五成已經切好左上方便食,不過再切下發現好多根位同咬落肉質都韌左少少,配左個《南瓜利可他芝士酥皮卷》,酥皮夠脆芝士好多食完都幾漏。另外有整到心心型既蘿蔔好有心思。

Read more

食盡觀塘 – 脆炸黑松露薯條 鹽焗原條鱸魚

新年之前高高興興放假,咁開心緊係要應下景食番餐高興,夜晚去仲係超多人,位都坐滿哂,同之前既設計都無咩變。一入去當然會見到呢個妹妹理髮廳,其實係類似bar枱一樣,可以坐係度食野,一直覺得望住塊鏡見到自己食野個場面好搞笑。《地中海香魚焗原條鱸魚》,用錫紙包住勁多鹽焗中間再塞香草入魚,相機食完店員先再拎入去拆開,一黎果時既樣真係超壯觀。

Read more

食盡觀塘 – 心心玫瑰批 朱古力加上麻糬

之前情人節買左幾個批慶祝下,糯米糍網店做到上樓再賣埋批,買左情人節限定產品,一百蚊買哂一連三個一齊食。一盒有三款,個盒白色有埋標誌,入面放哂三個情人節批好靚。先食左《酸甜草莓》,好大個紅色既心心應哂節,咬開心心入面就有大大粒士多啤梨,食落唔會死甜批底幾薄身同好脆。第二款試《玫瑰百利甜酒》,上面玫瑰花係食得架,甜酒陣味幾香加入左57%朱古力,賣相滿分食落甜味太重有啲漏。最後一款既《焦糖蘋果》面頭淋滿焦糖醬,食落焦糖味唔係好濃,蘋果一大個放上面好足料不過有啲硬身。

Read more

食盡觀塘 – 情人節立體泡芙 自訂專屬名稱

就到情人節,又要左諗右諗送咩好,有邊個女仔唔鍾意食甜品,仲要咁靚咁搶眼既甜品,呢個由法國黎既牌子一直都好出名,今次再推出呢個吸晴情人節泡芙。兩舊大大舊既《法式甜蜜蜜禮盒》,寫哂愛既信息,加上草苺忌廉同80%濃朱古力餡,兩舊入面都有唔少醬,草莓更加係幾濃味,收到仲唔Love同Kiss You咩。另一款《戀戀泡芙禮盒》,可以訂尊屬名加上法文我愛你,味道就分別有雲尼拿忌廉,草苺忌廉同好好食既海鹽焦糖忌廉,表白定氹另一半都岩哂。

Read more

食盡觀塘 – 吱吱吱探小鼠 熱辣辣3.7牛乳蟹腳鍋

吱吱吱吱吱吱吱,成日行過都會見到佢地個易拉架,覺得都幾得意,於是就搵左日去探下呢堆咁可愛既小鼠。店內當然唔少得好多日本既裝飾,一入去已經見到個富士山,入面仲有好多小鼠既公仔,好似大大隻咁有得攬既,或者台上面都有好多好可愛既小裝飾。必叫呢個超濃超白既《北海道3.7牛乳皇帝蟹腳鍋》,用左個木整既底座好特式,先飲啖湯好入味,蟹腳有好多仲好細心開哂,一推啲肉就出黎超方便,入面仲有入哂味既粉絲。

Read more

食盡觀塘 – 觀塘兄弟檔 田螺焗薯蓉

今次呢間真係隱世小店,行到勁入既工業大廈再要上樓,再入去呢個唔起眼既門口,原來係兩兄弟夾份開既餐廳。地方夠闊落,可能實在太隱世真係無咩人,門口都放左個裝飾櫃,店主其實好有心機,仲會介紹唔同菜式,仲同我地講如果早啲打上去可以特別幫我地設計野食添。店主推介食既《法式焗田螺》,粒粒田螺勁大隻,提左我地食完要倒埋螺入面既油落薯蓉食,撈埋真係勁香勁滑。

Read more

食盡觀塘 – 拉芝Pizza 木系紅磚牆

以前黎過一次貪佢夠平又夠快,幾十蚊就可以食個意粉,估唔到而家加左價,場內都無咩人有三四台食緊。用上左木系家俬同有半道既紅磚牆。坐位都幾闊落,有高台位再加上格仔牆都幾有Feel。主食叫《黑松露芝士薄餅》,黑松露聞落幾香,熱辣辣仲有拉芝效果,餅底食落好似超級市場現成餅底,芝士都算多既。

Read more