食盡荃灣 – 豪大大旁芋圓店 激甜冬瓜湯

豪大大居然附屬埋賣芋圓,其實就好少食佢既雞排,不過見呢間咁特別連台式甜品都撈埋就整番碗試下先喇。試左《九份芋圓冬瓜湯》,打正九份旗號既芋圓雖然彈牙但係全部痴埋一舊,味道唔夠出同個冬瓜湯真係甜到一個頂點,應該無下次。

Read more

食盡荃灣 – 即叫即炸鮮奶 煙肉大啡菇

荃灣愈黎愈開得多野食,去到掃街緊要掃下炸物,呢間店有炸物有串燒就岩哂,不過無得坐要立食,望落價錢都唔係太貴。居然有細個食既《炸鮮奶》,真係懷舊唔係度度都有做,一盒有六粒都幾大舊,新鮮熱辣整好架,外皮炸粉唔厚不過好油,成個底都係油咁濟,食落2奶味唔夠甜味太重好似食糖咁,中間奶芯亦唔夠滑。

Read more

食盡荃灣 – 重臨荳子本舖 抹茶甜品當道

食完飯之後想搵甜品食,好耐都無去荳子又見無咩人就排個隊,好搞笑一間舖分左兩邊,大家都排哂兩邊排睇下邊個快。一間舖都有廿個位度,今次對住窗邊位坐,見到外面巴士同人行過咁食,人地又望住你食野咁。用上左小山園既《玉露蘋果金寶》,上面抹茶雪糕中間有餅碎都夠濃抹茶香味,下面配熱既蘋果粒同紅豆蓉,蘋果有糖甜味又不失本身香味,仲有抹茶醬可以吱去入面更有茶香。

Read more

食盡荃灣 – 抵食梳乎里 掃走Blue Monday

掃走Blue Monday一定要食甜品,荃灣呢間有漢堡有甜品既立食店,價錢唔太貴又幾大份,見到都幾多人係度等拎走食。見到有個隱藏版既《朱古力咖啡梳乎里班戟》,即叫即整等左十幾分鐘,熱辣辣一整開好軟綿,朱古力味好濃夾雜左啖啖既咖啡香,中間口感較有質感,雪糕轉左朱古力咖啡奶凍都十分香濃,不過食唔食到mocha味梳乎里真係睇你好唔好彩喇。

Read more

食盡荃灣 – 鐵板拉絲芝士 超抵食韓食

荃灣路德圍算係各國野食既集中地,地道小店又有,台食韓食中菜都有,呢間韓國菜人流不絕,望入去見到人地食炸雞超大隻啖啖肉。今日收工獨自晚餐食唔落炸雞,唯有叫個《例牌大韓無骨豬手》,例牌都唔算好少,半隻碟都舖滿哂豬手,切開哂方便食之外仲灑上左芝麻更香,先放上豬手上紫生菜,再點上豆瓣醬同蒜片夾埋一齊食,一啖肉再一啖皮脂,香味十足仲可以搭埋泡菜同醃蘿蔔食。

Read more

食盡荃灣 – 辣度有得揀 麻辣打邊爐

前幾日開始涼涼地,係時侯打邊爐喇,今次去試下呢間主打辣既邊爐餐廳,有少少唔同既係呢度用左青花椒黎做辣味湯底。第一次食所以唔知究竟有幾辣,辣度總共有三度,先試下一度辣既青花椒麻辣鍋,唔似平時麻辣有層油係面,反而用左好多青花椒黎煲,一黎已經聞到陣麻辣味。一度都唔算係超麻,下次可以再挑戰高級辣度。

Read more

玩盡荃灣 – 秋風起楓葉到 超大派對場地

秋天黎到喇,涼涼地緊係要同楓葉瘋狂打卡,呢期做緊楓葉主題既Partyroom。今次既主題係楓葉,真係有大大棵放左係度俾你任影唔嬲,簡直係秋天既打卡首選。有得大大聲唱K,點歌機有成過萬首歌可以揀,最正係有部4K既65吋大電視,任點任唱包你過足癮。

Read more

食盡荃灣 – 兩層又比一層鬆化 Double厚Pancake

荃灣有好多特式既小店,今次推介呢間日式pancake甜品店,上次黎想食果時排哂隊,仲等左勁耐都未入到去,今日行過見到無人即刻九秒九衝入去食。當然要試日式厚Pancake,食落唔似一陣風咁反而有少少似蒸蛋糕,加上焦糖蘋果口感幾豐富。

Read more

食盡荃灣 – New York New York 美國風餐廳嘆羊膝牛仔骨

New York New York,原來荃新天地地下唔止有連鎖餐廳,仲有間美國餐廳。餐廳裝飾好有特色,好似門口既點唱機,將大廈倒吊裝飾,好似走入城市縮影。牆上有半架紅色車超吸睛,上面大大隻字寫住The American。

Read more