食盡上環 – 自家製牛肉漢堡 咖喱竹炭咖啡包

主打既《0pt.10 Beef Burger》,有五款味道既包可以揀,揀左竹炭同咖喱味,唔係睇佢小小一個,實情厚到一口都咬唔哂,一讚係咖喱味既包真係好濃,一齊食好似咖喱牛肉一樣,仲配埋即炸連皮薯角。

Read more

食盡銅鑼灣 – 招牌燒春雞 雞脾打人牙骹軟

有晚想食既餐廳超多人,唯有轉移陣地,睇左幾間之後,去到呢間見到餐牌有呢隻燒雞好吸引就中左入去試。招牌《Woody’s燒春雞》真係差唔多枱枱都叫,放左個好得意寫法牌教大家點食,一摸落去隻雞真係超熱辣辣,皮香肉滑唔好顧儀態用手撕出黎食,雞油仲會流埋落下面既沙律度。

Read more

食盡旺角 – 藍光下的晚餐 10安士美國西冷

旺角既鬧市路邊有間小餐廳,入面怖滿左藍色燈光同唔少既啤酒,食緊果陣見到人流亦都唔少,坐到全餐廳都滿坐。唔少得要食牛扒,《美國PRIME西冷》,西冷有成有10安士好大塊,配上左熱辣辣既薯條,用上左自家製香草牛油可以搽係牛扒上面。

Read more

食盡尖沙咀 – 美國芝士餅 芒果青檸酸味味

美國既出名芝士蛋糕店到港一段時間,到而家都仲係排哂長龍,要一試呢個蛋糕真係唔易,終於可以試一試呢個美式既甜品。《芒果青檸芝士蛋糕》一食真係有酸味味既味道,酸酸地無咁漏較清新,蛋糕質感都係較軟身。

Read more

食盡黃埔 – 流住汗大啖食 平食炸魚薯條

同事之前話黃埔新開左間炸魚薯條店,放假就去試下佢,等左一陣先至開舖,熱辣辣係外面等真係瘋狂流汗。叫左個《招牌鱈魚》鱈魚即叫即炸,切開個皮外層脆,但入啲就好淋同埋魚肉好散,一整開啲魚肉係散哂出黎完全唔完整,薯條都夠熱加錢要左黑松露醬可以點。

Read more

食盡尖沙咀 – 蒸籠避風塘軟殼蟹 搵岩地方嘆番杯

放假緊係要嘆番杯,最好緊係揀番間唔太遠,環境又唔錯,仲要有得食餐好既先再飲下野,咁先叫做享受假期。一見到呢個就諗住叫,《美國安格斯牛肉芝士煙肉煎蛋漢堡》,大大個漢堡包哄過香脆,煎蛋蛋黃整穿好多蛋汁,牛肉叫左五成肉汁夠多唔會乾爭爭,加上香味十足既煙肉更好食。

Read more

食盡觀塘 – 飲杯白酒食生蠔 豪嘆烤焗海鮮盤

放工就緊係想輕鬆下食餐好,去到觀塘潮食生蠔飲白酒,呢間店幾區都有分店專食海鮮,百幾蚊有龍蝦既海鮮冷盤真係抵。《二人白酒生蠔餐》,餐入面有杯白酒配生蠔岩哂,生蠔係美國中碼生蠔六隻,中碼都幾肥美同大隻而海水味都幾濃。

Read more

食盡尖沙咀 – 海膽遇上黑松露 濃厚忌廉青口

放幾日假緊係要食好啲,一於去擦餐勁既,今次去既呢間係正K11對面夠哂方便,岩哂放工直接衝過去食,夠近又夠方便。前菜先叫個《白酒忌廉煮藍青口》,青口大細適中,白酒味唔算出但個忌廉汁真係好濃,拎埋黎點麵包更正。野飲好特別既《手搖紅茶配自家製檸檬雪條》,檸檬茶上面再放上雪條,雪條就咁食又得,撈埋落野飲酸味更出。

Read more

食盡何文田 – 刁鑽Flat Iron 任食黑松露薯條

情人節又點會少得正餐呢,出哂名整平鐵牛扒既餐廳有新搞作,同世界冠軍朱古力大師既zChocolat玩crossover,朱古力同牛扒都係我至愛點可以錯過呢。未黎牛扒之前有任添黑松露薯條,店員炸好就會拎左一大兜出黎夾俾你,夾到成盤都超滿,仲可以無限添加,即炸熱辣辣又有陣陣黑松露味。主角緊係《390日谷飼Prime牛扒》,平鐵牛扒其實係牛肩肌肉,要人手起筋好曬時間又花工夫先有得食。而且呢隻全無抗生素荷爾蒙使用,食得好安心,三成熟果種嫩紅色真係流哂口水,就咁食牛既原汁原味已經好正。今次2月既特色醬汁就係呢個crossover既紅酒朱古力,煮到幾傑身,點少少超濃朱古力味既zChocolat醬汁應哂情人節,下面仲有薯蓉,好香又好滑加上牛肉香好好食。

Read more

食盡佐敦 – 驚喜佐敦小店 厚到咬唔哂漢堡

突然好想食漢堡包,記得之前見到呢間小店就打算去試下,入面得十個位度,即叫即整夠哂熱辣辣。見好多人都食牛肉,一層兩層都有勁厚身,今次試下《日燒吞拿漢堡》,黎到見到都推到好高,個吞拿魚堡都好厚,咬落去個包烘過好脆。吞拿見到中間仲有紅紅地既,無煮到全熟食落無咁鞋,加上燒汁煮既本茹加上大蒜更香更好食。

Read more