食盡紅磡 – 足料大碗煨麵 紅磡小店滬菜

紅磡一直都多平民美食,呢間平價又大大碗既上海菜小店成日都要等位,岩岩今次趕得切最後兩人位唔駛等。呢間真係小店黎,幾張木枱地方真係好淺窄,大家都要坐得迫少少同埋搭枱,呢啲就係而家出名大餐廳無既小店風味。必點既一定係《嫩雞煨麵》,一黎到真係勁大碗,麵份量多麵質幾淋,面頭菜同雞份量都唔少,雞肉依然嫩滑,湯底則較清淡。

Read more

食盡紅磡 – 蒜香雞塊 爆芝脆雞排

台灣夜市一定要食炸雞排,香港黎黎去去都係得連鎖果間,終於今次俾我搵到新店喇,一於試下搵唔搵得番台灣夜市既味道。一見到已經鎖定目標《手掌芝心雞排》,外皮好香脆,無好似第度咁落勁多調味份都夠味,咬開入面真係勁流心既芝士。再叫多個《椒鹽回味雞塊》,有四大舊炸到皮係波浪紋咬落更脆身,揀左蒜末味,一打開果陣蒜味已經撲埋黎。

Read more

食盡紅磡 – 紅磡伯伯即整 懷舊爆醬班戟

去過紅磡既朋友仔一定記得,伯伯日日無停手咁煎班戟,街坊學生排哂隊等食,伯伯仲係會同每個人傾下計好親切。伯伯不停咁無停咁煎,一次過三塊都絕對悠閒咁同你傾計,仲表演下拋餅,整左咁多年真係熟哂手。食左《奶油甜班戟》,全部即叫即整,花生醬煉奶一啲都唔孤寒係咁落,班戟都好鬆軟。見到芒果班戟都好正爆哂芒果出黎。

Read more

食盡紅磡 – 立食糖水 芋圓地瓜圓

話説呢排呢間糖水店好出名,於是專誠去試下,舖頭無坐位只可以外賣或者企埋一邊食,話有好多人排隊,不過舖頭一開我就去買就無咩人喇。得幾款糖水,除左仙草之外就叫左《紅豆綜合湯圓》,入面有紅豆沙芋圓地瓜圓小丸子西米同洋薏米,芋圓地瓜圓好大舊,但係完全無煙靭既口感,亦都味道唔夠出。小丸子直情痴埋一大舊分唔開,點解可以咁多人排隊呢。

Read more

食盡紅磡 – 可愛油畫 支持社企餐廳

以前九龍塘壁球場有間社企餐廳,番大學果陣會成日去食,而家原來紅磡都開左一間,仲要係正火車站隔離商場夠哂方便。成個餐廳櫈同牆都畫滿左好靚既畫,無論係牆身,椅都畫左好多好可愛既圖畫,入到黎食野個人都開心啲呀。每個人既餐紙其他就係點餐用既,因為呢度既店員大都係聾啞人士,所以大家唔識手語就可以指俾佢地睇,記得要俾番個唔該既手勢呀。

Read more

食盡紅磡 – 即叫即燒 串燒+蛋炒腸粉

相信紅磡同Poly人對呢度一定唔會陌生,小小既店舖主打車仔麵同串燒,無論堂食定外賣都排哂隊,仲要即叫即燒,想食就要俾少少耐性等下喇。平時腸粉就食得多,可以試下特別既蛋粉腸粉,一個人要整幾個爐既串燒,好似摩打手咁,究竟質素得唔得呢?

Read more