食盡銅鑼灣 – 即場表演甜品騷 自家製高水準甜品

甜品食得多即場係你面前畫又食過未,即叫即揀枱墊就有專人介紹同即砌即畫,真係一面欣賞住藝術品一面又可以食甜品一舉兩得。《席前甜品》個完成品出左黎真係好多唔同既材料,睇上去真係成幅畫咁好色彩繽紛,當然見到每個人都會不停咁影相打卡留念喇。

Read more

食盡觀塘 – 心心玫瑰批 朱古力加上麻糬

之前情人節買左幾個批慶祝下,糯米糍網店做到上樓再賣埋批,買左情人節限定產品,一百蚊買哂一連三個一齊食。一盒有三款,個盒白色有埋標誌,入面放哂三個情人節批好靚。先食左《酸甜草莓》,好大個紅色既心心應哂節,咬開心心入面就有大大粒士多啤梨,食落唔會死甜批底幾薄身同好脆。第二款試《玫瑰百利甜酒》,上面玫瑰花係食得架,甜酒陣味幾香加入左57%朱古力,賣相滿分食落甜味太重有啲漏。最後一款既《焦糖蘋果》面頭淋滿焦糖醬,食落焦糖味唔係好濃,蘋果一大個放上面好足料不過有啲硬身。

Read more

食盡尖沙咀 – 生日新搞作 扮清糕扮壽桃

你睇佢表面係一個壽包,其實佢係媲美古惑的槍既蛋糕,擅長將中式既特色融入西式既糕點,慶祝生日又多個選擇。蛋糕盒大大個,好鮮色之外都設計得好精美。今次食左《福滿小壽桃》,真係整得勁似,成個勁大個既壽桃咁放左係個面度,送俾朋友仔慶祝肯肯定有驚喜呀。成個蒸籠用上左白朱古力食得架,壽桃用香桃忌廉同泡芙,真係激似樣,内籠就係士多啤梨加雲呢拿吉士同海綿蛋糕,真係超有創意呀。

Read more

食盡紅磡 – 立食糖水 芋圓地瓜圓

話説呢排呢間糖水店好出名,於是專誠去試下,舖頭無坐位只可以外賣或者企埋一邊食,話有好多人排隊,不過舖頭一開我就去買就無咩人喇。得幾款糖水,除左仙草之外就叫左《紅豆綜合湯圓》,入面有紅豆沙芋圓地瓜圓小丸子西米同洋薏米,芋圓地瓜圓好大舊,但係完全無煙靭既口感,亦都味道唔夠出。小丸子直情痴埋一大舊分唔開,點解可以咁多人排隊呢。

Read more

食盡大埔 – 駛入咖啡灣 原隻軟殼蟹意粉

又黎覓食大埔系列,呢間舖已經見到佢開左好耐,但係一直夜晚就排足咁耐,用左藍白色做主調,天鵝做左個標誌,今次夜左少少番去唔駛等好耐,終於俾我食到喇,但係食完之後見到仲有人排隊。就到聖誕已經有聖誕樹做裝飾,全店都用左藍白色做主色,座位夠大都坐得好舒服,牆上面掛左佢地既天鵝標誌,同埋好多好得意既字或者圖畫。必定會叫既《軟殻蟹黑松露忌廉義大利麵》,一大隻軟殻蟹趴係麵度好震撼,用上左原隻軟殻蟹,意粉落左蒜炒香,加埋本身黑松露香味更香濃。

Read more

食盡香港 – 抹茶層層叠 東茶園抹茶蛋糕

抹茶控注意,提早一大班親戚食飯,預備甜品一次過買哂三隻抹茶蛋糕食唔駛諗,有成一百五十年歷史既東茶園,用上靚靚抹茶茶味超甘香。最大既波波係《宇治抹茶巨蛋》,外層超脆朱古力加杏仁碎,入面好多層,抹茶寒天超濃抹茶味,加上抹茶慕絲忌廉同黑糖啫喱好多層口感。

Read more

食盡新蒲崗 – 新蒲崗新蒲點 超高質甜品小店

好鍾意食既一間甜品店師傅開新店,唔駛過海就食到緊係要去,店舖開正係Mikiki對面都幾方便,好期待食番個甜品呀!甜品係重點一定要叫《意大利蛋提拉米蘇》,係舊店食過真係一試難忘,新店呢度依然高水準,材料一樣用上意大利蛋勁香滑,入面加上超香既咖啡餡同面頭有雲尼拿雪糕,必試仲有《雲尼拿梳乎里》,一出黎漲卜卜入面超香滑,甜品真係依然超級好食。

Read more

食盡荃灣 – 抵食梳乎里 掃走Blue Monday

掃走Blue Monday一定要食甜品,荃灣呢間有漢堡有甜品既立食店,價錢唔太貴又幾大份,見到都幾多人係度等拎走食。見到有個隱藏版既《朱古力咖啡梳乎里班戟》,即叫即整等左十幾分鐘,熱辣辣一整開好軟綿,朱古力味好濃夾雜左啖啖既咖啡香,中間口感較有質感,雪糕轉左朱古力咖啡奶凍都十分香濃,不過食唔食到mocha味梳乎里真係睇你好唔好彩喇。

Read more

食盡中環 – 走進中環地下室 食焰燒可麗餅

專食Crepes既地方唔係有好多,中環呢間小店專做Crepes仲有咸食同甜食可以揀,另外仲有正餐同甜品都可以食。經過小門走入去地下室,去到呢間隱藏既清新文青小店,用藍白色設計好似係晴天既春田一樣,好天既時侯仲可以坐埋戶外位。叫個甜食《Banane Flambee》,黎到之後店員就問聲Are you ready,就一倒哂著哂火既酒落去,成條火柱咁燒住好壯觀。燒完之後,食落陣焦糖味同酒味好出,香蕉火燒過有焦糖更脆身,雪糕依然夠凍,加埋提子同Crepe一齊食,呢個真係三聲就食哂。

Read more