食盡東涌 – 菠蘿仔賣菠蘿包 真菠蘿加忌廉

有睇美食車都會見過呢個菠蘿包,其實係東涌都有分店,佢地既菠蘿包係得過獎,難得去一次東涌當然要試下喇。呢個得獎美食《鮮忌廉菠蘿包》,菠蘿包面皮夠脆不過唔太熱,入面放左一大堆自家製忌廉同埋新鮮菠蘿~不過俾我揀既,都係鍾意食番傳統菠蘿包。

Read more

食盡大埔 – 名廚監製雞鍋 花膠魚肚超足料

大埔既店舖有名廚陳國強師傅監製,有個幕後大廚去監督出品,質素點都一定有保證,作為大埔街坊緊要支持。去之前已經想叫既《豐生水起鍋黃湯鴛鴦花膠雞鍋》,用上左新鮮文昌雞加入金黃火腿、三黃雞、瑤柱、螺頭、赤肉煲足12小時,入面仲有好多花膠同魚肚,煲先就即飲湯真係超濃超香,成煲都飲哂咁濟,飲完個口仲黏黏咁勁多骨膠原。

Read more

食盡太子 – 超香椰子文昌雞鍋 北海道海膽煲仔飯

真係好耐都無打過邊爐,今次試下個清清地既椰子雞鍋,去左太子附近,原來開左間都幾大間既火鍋度,就算一大班人都坐得好舒服。《原味海南椰子文昌雞鍋》個鍋入面已經有椰子放左係度,一打開已經勁大陣清香椰子味,之後落埋雞落去再等個漏斗倒數完就可以食得。

Read more

食盡觀塘 – 老夫子大蕃薯秦先生 港式口味杯裝蛋糕

老夫子係人都識,耐人尋味四字漫畫大家都睇過,今次更聯乘推出港式口味杯裝蛋糕,一盒六件都係$160懷舊一番。《芒果紫米露扮清糕》主角老夫子配上面層芒果牛油忌廉同椰絲棉花糖,椰汁紫米露餡收埋左係蛋糕入面有驚喜

Read more

食盡觀塘 – 樓上食港式串燒 脆皮燒白鱔流心芝麻湯圓

觀塘工廈樓上舖港式串燒專門店,全部都即叫即燒熱辣辣,一點完店員就係入面密密燒,最好幾個人飲埋野慢慢食。《厚切牛脷串》一咬落去真係感受到超厚身,燒得唔乾身本身個味已經好出,每次食串燒真係必叫牛脷。

Read more

食盡油麻地 – 酥皮焗叉燒包 蝦餃新鮮彈牙

好耐無食過牛雜炸大腸,本來早左收工想食廟街牛雜但係無開,唯有搵下附近有咩好食,於是去食個點心填下肚順便做埋晚餐。至愛食既《功夫蝦餃皇》有啲驚喜,皮都幾薄身,一舊入面都有幾隻蝦唔梅身,蝦膠都幾彈牙爽口。

Read more

食盡旺角 – 打開已經激香 勁可愛兔仔曲奇

前排行下旺角商場,無意中俾勁大個兔仔吸引左,成間店都好可愛,入去見到好多好靚既香港製造曲奇就買黎試下。《魔法六味曲奇》用上左魔術師兔仔同熱氣球做設計,加上至愛既天藍色罐已經忍唔住手,一打開曲奇超香食落牛油香加上唔同口味慢慢食。

Read more

食盡堅尼地城 – 懷舊香港味道 馳名蛋撻茶走

去親茶餐廳都一定會叫常餐,常餐最好就係唔駛點諗入面又係我最鍾意食既野,最喜歡都係食個湯麵加餐包加野飲就大滿足。見到岩岩新鮮出爐即時叫番個《蛋撻》,蛋撻新鮮出爐超熱辣辣,蛋香都幾夠味,不過太鬆脆好易散開哂。

Read more

食盡大角咀 – 素食自助餐 魯肉飯都有得食

食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。

Read more

食盡西灣河 – 西灣河沙嗲佬 真炭火串燒

去到太安樓除左係入面掃食之外,經過果條迫滿人既食街出去,見到有個燈籠掛起左,即係沙嗲佬開左門喇,緊係要整番幾串嘆下喇。店仔其實真係好細,一邊窗放滿左一串串野食,之後一邊係落單位,落完單就見到師傅拎起扇瘋狂咁撥個爐就夠正宗。叫左招牌既《炭燒蜜汁烤乾魷魚片》,一大塊燒起之後見住店住掃上好多蜜汁,一打開包裝滿瀉既汁,魷魚片乾身有咬口都幾香。

Read more