食盡油麻地 – 油麻地泰串燒 脆炸啖啖肉蝦餅

油麻地地鐵站一出黎就見到呢間泰式串燒,全部都係即叫即燒夠熱辣辣,見個門面都企企理理一於為食鬼上身就整番幾串試下。《泰式炸蝦餅》有驚喜,蝦餅一開左二方便食,即時炸起一咬真係勁熱,外皮夠脆入面亦好彈牙。

Read more

食盡尖沙咀 – 假日悠閒飲一杯 惹味油香燒牛肉

下晝食飯行過見到新開小店,見到好多乾花佈置,又有陽光照入去幾文青,夜晚原來可以飲兩杯又係另一種情調。Mocktail叫左《HYGGE Tonic》,好靚既設計上面仲夾左橙乾﹛Orange 同Grapefruit Juice入面加入左Lavender Syrup,飲落西柚味較出感覺幾岩夏天。

Read more

食盡觀塘 – 冬蔭公夠惹味 西柚啫喱酸味味

去完泰國都要再食泰國菜,今次去觀塘工廈食餐好既,呢間泰國小店真係次次去都迫滿人,食完就再諗下下次去旅行。去得食泰國菜緊係要食《冬蔭公》,紅噹噹既冬蔭公見到都開胃,飲落辣味唔重酸味反而好出,入面有三隻蝦都唔會梅同有好多菇,一陣間飲哂成碗。

Read more

食盡深水埗 – 深水埗泰國小店 椰汁濃黃咖喱

深水埗不嬲都臥虎藏龍,好多好野食又唔會貴,簡直係平民既食區,今次黎到呢間泰小店食午餐,都幾多街坊幫襯。呢度有《黃咖喱雞扒飯》,黃咖喱好大碗椰汁味好濃唔辣,撈飯真係可以食多幾碗,仲有入哂味又好淋既薯仔添。

Read more

食盡旺角 – 格格蛋包金邊粉 超大隻鮮蝦刺身

旺角幢彌敦道726真係愈黎愈多野食,差唔多層層都有唔同國家既野食,今次去左呢間佔上左一層既泰式餐廳。入門口已經見到一大個泰佛像,再入少少就見到另一個小僧人既像,都幾有泰國餐廳既氣氛。到左個《泰式生蝦刺身》,用左格格杯裝好似飲酒咁,生蝦上面附左醬料,蝦夠大隻醬汁食落去幾辣下。

Read more

食盡旺角 – 食盡泰越菜 足料椰子烏雞湯

一間餐廳有哂泰越菜食,咁就唔駛爭崩頭去揀喇,一上去完來全層都係屬於佢地,一坐低已經聞到隔離食龍蝦好香。入面成層都係餐廳既,仲會見到好大個酒吧,上面放左唔少酒,食住炸野燒烤絕對可以飲番杯襯番。搵過見燉湯好正一定要叫,叫左個《椰子烏雞排骨燉湯》,飲落真係好清甜,仲勁足料勁多椰子,仲有幾舊排骨粒,啲烏雞都燉到好淋。

Read more

食盡旺角 – 旺角小森林 清新越泰菜

波鞋街翻新之後綠化左,有一幢本來話有公眾花園但又無左既The Forest,呢間種滿左花草既小森林,係旺角呢啲俾人攻佔既地方,坐落感覺好舒服。個招牌已經俾好多花花草草圍住左,差唔多連個名都睇唔到咁濟,真係成幅都係草牆一樣,另外做左個開放式餐廳,但係用上左唔少玻璃盆栽做裝飾,感覺上又唔會太開揚又美觀。

Read more