食盡尖沙咀 – 新開拉麵店 小辛豚肉沾麵

之前開左台灣店,都係勁多人,而家側邊又新開左間拉麵店,下午時段都幾多人一齊食,好彩去到咁岩有位唔駛等就食得。沾麵有冷麵同溫麵分,《辛辣豚骨沾麵》,有三塊薄身豚肉燒過都幾香,成間店都聞到燒果陣香味,個湯都夠惹味又唔會太漏,沾麵之後都唔會太咸。

Read more

食盡尖沙咀 – 黑松露勁香 熱食石鍋烏冬

尖沙咀長期長龍店,每次去都真係超多人排隊,就係為左食呢個石燒烏冬,今次專登係佢晚市一開門就去食即時就入到喇!因為即叫即整都等左一排先有,《活花甲手打烏冬》,揀左魚介豚骨濃湯,整鍋放係火上燒真係勁熱,石燒鍋可以保持到食完仲係熱,花甲都幾大隻同都幾多,鮮味又乾淨,湯底奶白面見到果陣豚骨精華,飲一啖真係勁醇香。

Read more

食盡尖沙咀 – 尖沙咀樓上小店 同區抵食午餐

平時尖沙咀食個午餐都要成舊水,呢度最平五十零就有真係幾抵食,所以真係爆哂幾多人食,點零鐘去到都要等下位先入到去。係正海港城對面,成幢都有好多野食,一出Lift就係店見到一大幅木系既牆,好鍾意門口有塊黑板寫左Find Your Dream,好鍾意有金句既Cafe。《煙三文魚菠菜忌廉意粉》,三文魚撕開幾片放面唔算好多,菠菜就好多沾滿哂意粉,意粉軟硬度適中。

Read more

食盡尖沙咀 – 海膽遇上黑松露 濃厚忌廉青口

放幾日假緊係要食好啲,一於去擦餐勁既,今次去既呢間係正K11對面夠哂方便,岩哂放工直接衝過去食,夠近又夠方便。前菜先叫個《白酒忌廉煮藍青口》,青口大細適中,白酒味唔算出但個忌廉汁真係好濃,拎埋黎點麵包更正。野飲好特別既《手搖紅茶配自家製檸檬雪條》,檸檬茶上面再放上雪條,雪條就咁食又得,撈埋落野飲酸味更出。

Read more

食盡尖沙咀 – 尖沙咀小木屋 激淋紅燒牛肉

平時午飯時間排滿人既小店,食飯時間真係想入都有排等,趁住假期下午,入面無咩人唔駛等位,終於一試台灣風味。最想黎食既係呢個《川味紅燒牛肉麵》,湯底用上左純牛大骨煲成牛骨湯,所以無化學物添加劑,飲落味道偏清淡,牛肉厚身食落好淋。

Read more

食盡尖沙咀 – 坐定定等食 專人廚師服務

尖沙咀一向都係日本菜既重駐地,Omakase而家更係開左去好多地方,廚師發辦既好處就係坐定定唔駛諗,廚師就將最當造最新鮮既奉上,仲專人服侍你跟住用餐進度上菜。大推燒到金黃色外皮《金目鯛》,燒完之後個外皮真係超香脆,燒香後魚油係會入口之後滲出黎,好香好肥美。

Read more

食盡尖沙咀 – 三文魚溫泉薄餅 鐵板香蕉布朗尼

呢間尖沙咀分店真係長期排滿人,店舖雖然係商場入面但無野隔住,好似有好多道門開哂咁都幾開揚,但係無阻大家排隊入去食。最有驚喜係甜品《朱古力布朗尼餅》,個鐵盤真係熱辣辣咁上,香蕉烤過甜味足,布朗尼朱古力味都幾濃。

Read more

食盡尖沙咀 – 大大條八爪魚 厚身烤五花腩

一直都覺得呢度既野食好靚,自從K11開左唔少小品牌之後,可以睇到唔少外面無既品牌,行過文青既商場店舖,就會入到去嘆番個悠閒既下晝。由於未食野太肚餓所以叫左好多野食,《燒八爪魚一黎見到勁大條八爪魚腳圍住,食落太有韌勁,米型粉蕃味幾濃同有辣肉腸伴上,另外有一塊墨汁脆片真係超脆身同好有特色。

Read more

食盡尖沙咀 – 豪華雙腸熱狗 食既係懷舊味道

除左雞脾就係食熱狗,而家做緊結業特價,有啲都減左價平左抵食左。見到一路等都有好多人叫,好似魚柳包呀熱狗呀果啲好多人拎走。既然平左就叫《雙腸芝士》,即叫即整拎上手熱辣辣,個包軟熟同好多自家調製沙律醬,雖然唔夠銅鑼灣開得耐,但其實都係食份情懷。

Read more

食盡尖沙咀 – 蔬果加牛乳 飲得健康啲

K11呢間追求健康飲品既店舖又有新搞作,上次黎飲都係滿滿既水果果汁,飲完覺得個人都健康啲,今次再加上幼滑既北海道3.6牛乳。試左杯《雪滿山》,店員成個牛油果加成條香蕉同羽衣甘藍整果汁,加入牛乳,有陣淡淡牛奶香,加上香蕉味較濃,一次過補充好多營養。

Read more