食盡大角咀 – 味歷亞洲海鮮自助餐 狂食長腳蟹即煮新加玻叻沙

見到呢個愈早訂愈抵既自助餐,諗住好耐無食過,見十五日前訂星期一至四三百蚊都唔駛,而家做緊亞洲主題又有海鮮一於去擦餐勁既。大家一開始都係去攻佔呢個冰鎮海鮮區,一開始就搶閘去拎《北海道鱈場蟹腳》,大大條都夠新鮮同多肉,枱面放左較剪一剪開就食得。仲有提供《英國麵包蟹》,真係原隻蟹放係度任你拎,入面蟹膏豐富。貝殼類既就有《澳洲藍青口》同《沙白》,最易食又啖啖肉,方便之選,最後仲有《大蝦》。

Read more

食盡大角咀 – 素食自助餐 魯肉飯都有得食

食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。

Read more