食盡銅鑼灣 – 台灣珍煮丹到港 必飲招牌黑糖珍珠鮮奶

珍煮丹終終衝出台灣喇,好幸運咁就係第一站登陸香港,正式開張之後終於咁近唔駛飛台灣都飲得到喇,當然一開就勁多人會排隊。一定要飲既係《黑糖珍珠鮮奶》,黑糖珍珠熱辣辣咁放入去,店員好好咁提醒會熱到冰溶可以要多啲冰,攪匀哂就飲得個奶味好濃,珍珠夠煙韌同黑糖味真係好香。

Read more

食盡尖沙咀 – 小清新天然果汁 文青必到打卡人氣店

度度都開台式珍珠奶茶,如果想飲得健康啲梗係要揀新鮮果汁,小巷之中都做到有小清新風,岩哂女孩子去打卡。《芭比情歸何處》呢個玩味性重既名原來係杯打卡飲品,成杯好似七彩雲咁勁靚,水果用左草莓同藍莓形成藍粉紫色,加入燕麥牛奶整成milkshakes,奶味好出仲有燕麥既咬口同水果酸酸甜甜。

Read more

食盡銅鑼灣 – 台灣嘛嘛地到港 辣辣打拋豬烏冬

嘛嘛地唔通真係嘛嘛地咩,食過你就知味道,台灣黎既咖啡店,一貫台灣咖啡店作風,環境好舒服同好多好正既標語。主食就叫左《千島軟殻蟹芝士比薩》,真係一大隻軟殻蟹上,仲要面層炸得勁香脆,Pizza夠薄身咬落又勁脆,上面仲有菠蘿同蟹肉,最正係居然有薯蓉做餡呀。

Read more

食盡銅鑼灣 – 招牌三合一牛肉麵 入味鹵水大腸

超蓮黎香港開既牛肉麵,到而家都仲係日日排哂隊,今次六點去到未有太多人食晚餐,終於無人排隊即入去食,不過可惜見唔到老闆娘。《紅燒招牌三合一》,三合一包括左牛肉牛筋同牛肚,牛筋軟腍牛肚都爽口,牛肉湯用牛骨同中藥製成,飲完唔會有成口味精口乾感。

Read more

食盡旺角 – 旺角台飲街 黑糖瀑布珍珠奶茶

旺角又開左一間台式奶茶店,真係成條街都係任君選擇,呢間見到都好多人排隊諗住試一試佢,見到電視Show左呢杯推介幾靚。《黑糖珍珠奶茶》加左黑糖成個瀑布一樣,飲落茶味太濃太澀,奶味完全飲唔到咁濟。

Read more

食盡銅鑼灣 – 台大學生票選第一 迷客夏登港

作為台灣大學生票選第一,加上開業買一送一,最後好有毅力咁排左個半鐘再等左個幾鐘先有得飲,下晝已經無哂黑糖芋頭同奶蓋。叫左兩杯《出雲抹茶鮮奶加珍珠》,白珍珠用左冷熱交替同蜂蜜浸泡煙韌又甜蜜,抹茶用左出雲抹茶夠清香,不過無用透明杯睇唔到靚爆漸層。《柳丁綠茶》台灣一出真係超瘋狂,用上嘉義橙汁加綠茶,綠茶甘香橙汁多香仲有啲果肉好新鮮,消暑一流。

Read more

食盡大埔 – 瀑布椰香波霸 新鮮生果果茶

一路行見到人拎住杯勁靚既野飲,於是就跟住條路去搵,原來係天橋位開左間台式飲品店,全店都係黃色超搶眼。推介既係《椰香惡魔波霸》,一睇外面成個瀑布咁好吸引,珍珠咬落煙韌,一飲果陣椰香味真係好濃,仲有甜甜地黑糖味。

Read more

食盡尖沙咀 – 尖沙咀小巷子 地瓜小芋圓

成日都排長龍既台式奶茶店,出名有自家製白玉地瓜小芋圓可以加,每次行過都有勁多人等緊,不過今次去到無得食燒麻糬。既然係想試小芋圓就叫左《草莓鮮乳地瓜小芋圓》,飲落食到有啲草莓粒係底但草莓味唔夠,成杯都好奶味,地瓜圓小芋圓偏淋同味道唔係太出。

Read more

食盡深水埗 – 老店康瑞出品 煙韌多料芋圓

黎到深水埗緊係要食呢間老店,下晝四點一開店已經人頭湧湧,超多人係門口排隊,最後都拎飛等左五至十分鐘先入得。其實餐牌選擇唔多得十幾款,一於試最出名既叫左招牌既《特式仙草百配》,入面真係超多料成碗勁滿,芋圓地瓜圓都夠煙韌同幾香既芋頭地瓜味,仲有珍珠,小丸子,薏米同紅豆,仙草都幾滑嘟嘟不過仙草香可以再出啲。

Read more

食盡大角咀 – 素食自助餐 魯肉飯都有得食

食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。

Read more