食盡中環 – 25年珍藏茶葉 芝士朱古力加普洱

中環新開既茶飲店,用上香港老字號既四款茶葉每日沖泡,包括左烏龍鐵觀音普洱同茉莉龍珠,四款茶都係即日泡用上茶葉唔用茶粉。《芝士黑朱古力珍藏普洱》,用上左25年雲南珍藏普洱,由於無用糖漿飲落黑朱古力較淳,上面芝士厚身同幾咸香。

Read more

食盡中環 – 濃滑雞白湯 超厚身超稔雞肉

呢間拉麵愈開愈多間,但係到而家仲係間間都要排隊,唯有食個Early Dinner唔駛等咁耐,最後六點去到就唔駛等位就入到,不過都係得番一兩個位。叫左個《雞叉燒味玉雞白湯拉麵》,最鍾意食個味玉中間流心就超級正,飲啖個湯雞湯味幾出,同都算幾滑溜,不過食左半碗就幾口乾係咁要飲水,雞叉燒好厚身而又煮至好軟稔,麵身係幼身同埋唔算好掛湯。

Read more

食盡中環 – 蘭桂芳唔飲酒 去燒吉列牛

邊個話去蘭桂坊一定要飲酒,一於反傳統去食吉列牛,岩岩既紅日就去擦餐勁既東京版吉列牛扒,店仔細細真係要打個轉搵一搵先見到。《吉列炸牛扒》($188),個餐,一黎店員就點起火,個火勢都幾猛燒野岩哂,見到成塊牛扒整整齊齊咁切開左,炸皮都幾薄身。可以將牛扒放上去煎,生熟度由你話事,幾秒之後可以點蒜鹽或者燒汁食,炸皮夠脆夠薄肉質軟稔,牛油香加有飯素既飯真係食多幾碗都得。

Read more

食盡中環 – 中環韓牛火鍋 惹味泡菜牛肉湯

平時韓國野食牛通常都係韓燒多,今次呢度韓燒之外仲有邊爐揀,用上左高質韓牛仲有幾個湯底可以揀,韓迷食番餐去一解鄉愁。火鍋有四種湯底可以揀,我地點左《雪濃湯底》同《泡菜牛肉湯底》滾起左之後試下個雪濃湯好清甜,泡菜湯就香香辣辣咁好惹味。呢度韓牛專門店,重點緊係呢個1++韓牛,點左兩隻款分別係《肉眼》同《後腿底板肉》,後腿底板肉食完之後真係覺得係必叫,真係有入口即溶既感覺。另外肉眼都係淥一陣就食得,肉眼食落就比較實身一啲,牛味都好重,加上泡菜味更加香口。

Read more

食盡中環 – 走進中環地下室 食焰燒可麗餅

專食Crepes既地方唔係有好多,中環呢間小店專做Crepes仲有咸食同甜食可以揀,另外仲有正餐同甜品都可以食。經過小門走入去地下室,去到呢間隱藏既清新文青小店,用藍白色設計好似係晴天既春田一樣,好天既時侯仲可以坐埋戶外位。叫個甜食《Banane Flambee》,黎到之後店員就問聲Are you ready,就一倒哂著哂火既酒落去,成條火柱咁燒住好壯觀。燒完之後,食落陣焦糖味同酒味好出,香蕉火燒過有焦糖更脆身,雪糕依然夠凍,加埋提子同Crepe一齊食,呢個真係三聲就食哂。

Read more

食盡中環 – 正宗川菜 瘋狂缽缽雞

而家川菜都愈黎愈多,呢度係直接由總店引入材料同湯底黎香港,將川菜真實麻味直接運過黎,真係夠哂原汁原味。《瘋狂缽缽雞》有麻辣味同藤椒味兩款,我地叫左藤椒味,總共有三十串葷三十串素,總共有成六十串慢慢食。叫多個套餐《瘋狂大排面》,BB麻BB辣唔太嗆,食到有麻辣味但係唔點食辣既朋友都易入口,加左肥豬夠入味又夠肥,仲有三大舊排骨仲啖啖肉幾抵食。

Read more

食盡中環 – 藍屋子 嘆情調法國菜

藍色藍色,至愛既藍色呀,門口餐牌都係藍色既小店,有高質法國菜食,連素食都有提供。餐具用左英國既Robert Welch,用咁靚既餐具食野個人都開心啲。主菜有《慢煮黑毛豬配芥末汁》,黑毛豬好大件,依然煮到有肉汁唔會乾哂又柴皮。

Read more

食盡中環 – 三層又比兩層鬆化 十層海膽杯

一二三三二一,足足要食夠十層佢,今次決定食豪啲啲,要去一試呢個大層海膽杯。仲有好多特色野食,堅火燒壽司,正爆串燒。足足有十層既《特級S2海膽杯》,食過面頭咸香既燒白飯魚脆片之後你就坐定定等我話你知呢一小杯入面居然裝左咩,黑魚子,三層北海道紫海膽,沖繩海葡萄,吞拿魚拖羅蓉,三文魚子,白蝦,松葉蟹肉,海帶碎。

Read more