食盡上環 – 咖啡黑糖雪糕 清新巴瓦洛圈

香港人日日都好繁忙又節奏急促,放假想搵個舒舒服服既地方抖下,黎到呢度好有外國小店既悠閒,環境夠靜之外周圍又唔會好壓迫既感覺。

一行到門口已經有一個露天小花園,有香港人都有外國人,個個都坐得好悠閒咁嘆緊野飲,入到去樓底勁高,仲有個西營盤既畫牆。

旁邊有個滿滿既蛋糕櫃,入面有主打既巴瓦洛圈之外,仲有唔同款式既蛋糕,除左甜品都會有麵包同埋麵食。最搶眼都係勁大部既咖啡機,沖住咖啡真係滿店都係咖啡香。

上個樓梯仲會有第二層,上面個感覺更加舒服,有梳化亦有一大張枱可以三五知己慢慢傾下計,另外仲有唔少既藝術品做展覽,呢度金光閃閃既提款機超搶眼。

先叫左個主打既巴瓦洛圈《Strawberry Bavarois Ring》《Mango Grapefruit Bavarois Ring》($48),呢兩個真係打卡必點,上面水晶狀既啫喱釀入左水果同食用花,士多啤梨係低糖版,芒果就酸酸甜甜,底層奶凍增加左口感。

呢一杯係店員推介既《Macchiato Latte》($48),一shot既espresso加上Almond Milk,先試一啖espresso好濃香,再倒入去再飲更滑溜同有淡淡既杏仁香味。

夏日推出幾款飲品《Longan Sparkling》($58),揀左龍眼特飲,用上新鮮龍眼同蜜糖加入梳打水,唔會太甜又好清涼。

有好咖啡既地方點可以唔食affogato,《Artisanal Affogato》($78)用上沖繩黑糖雪糕,配以棉花糖同穀片,再淋上espresso甜甜苦苦既味道。

店名:Artisan Room
地址:西環石塘嘴南里8-12號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:

發表迴響

你的電子郵件位址並不會被公開。 必要欄位標記為 *