玩盡沙田 – 粉紅夢幻花園 光影花牆迷宮

新城市打造粉紅色星光花園,用左風靡英國王妃既千禧粉做主題,成個花園都變左粉色仲有泡泡玩,岩哂少女去打卡過聖誕。

一行入去已經有個粉色既拱門迎接,寫住左Starlight Garden,行過就好似入左個粉紅色世界一樣。

第一個影相位就係嫩粉花牆迷宮,用左好多唔同層次既粉色系聖誕草做成左一個閃亮既迷宮,行入去就好似置身係花海一樣,行埋花牆度絕對係影相熱點。

花牆上面放左唔同大小既發光雪花同粉色滕球,雪光中間好似魔鏡咁可以照到自己既樣,影番張可愛有趣既靚相,粉色既聖誕草加上紫色既發光雪光好夾。

迷宮入面既另一個打卡熱點一定係呢個玫瑰花牆,一朵朵勁大既粉色玫瑰盛放,伴住粉色既聖誕草更有氣氛,背景加上粉色既大門好夢幻。

迷宮入面仲有粉色既小鹿同小紅鶴陪你玩迷宮,每一隻都係粉色有唔同動作,小鹿更加可愛有小耳朵好似同你玩捉迷藏一樣。

經過迷宮之後有彩虹旋轉犘天輪,第二個打卡熱點都係少女至愛大大個犘天輪,四圍放住粉紅光球同埋粉光聖誕樹,仲有近10呎高既熱氣球,最後緊係去呢個成20呎高既犘天輪影番張靚相。

影完摩天輪就可以穿過圓滿彩雲橋,100呎長既橋上面掛上左差唔多300個粉色系既汽球,大大小小咁包圍住好似行緊時光隧道一樣,汽球營造一朵朵雲飄係空中既感覺。

唔少得一定係橋中間既泡泡許願泉,係聖誕樹之間有個超搶眼既許願泉,門前有兩隻獨角獸守護住,入面勁有仙氣,仲有好多泡泡圍繞住,可以用手心捧住泡泡許願。

飛既點可以停,再黎一個夢幻迴旋熱氣球,高度近20呎既發光既熱氣球隨風轉圈,高高低低咁轉好似親身係上面玩緊一樣。

由兩邊望番去中間許願池,一個個粉紫色既滕球係上面發光,好似河流咁包圍住個許願池,加上煙霧係許願池飄出黎,成個感覺更夢幻。

行到接近尾聲都有好多聖誕樹同小鹿迎接,地上有好多紫色既小燈好有星光既效果,加上不同既粉色球好似星球一樣。

行入少少最靚既就係呢個熱氣球位,有一個仲可以行入去,等你可以置身粉色熱氣球之中影張相,坐住勁靚既熱氣球係星光中飛。

有得玩既光影搖搖板,發光既五個粉黃色搖搖板,大家可以坐上去玩,影張有動感既相,後面就係歐洲小屋,好似小朋友出屋外面玩一樣咁開心。

俾獨角獸同紅鶴包圍住既氹氹轉自主音樂盒,有熊啤啤同大唇膏可以搬上去玩,意思係將你覺得最珍貴最喜愛既野陪住你去音樂盒做主角。

有兩個工作坊可以玩,一個係親手做迷你音樂盒,一個係DIY裝飾蠟燭工房,親手整一個禮物送俾另一半岩哂。

師傅用熱氣轉出黎既棉花糖,拎起真係激大個仲有唔同既顏色,夜晚睇就更加靚同夢幻,消費滿$1500或者會員用8分就可以換到,絕對係Selfie必備。

活動:Rosy Christmas @ Starlight Garden
日期:11月26日至1月14日
地址:新城市廣場一期七樓星光花園
詳情:http://www.newtownplaza.com.hk/zh-hant/node/4307

即刻入去Like & Share埋我地既其他頻道喇
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖

歡迎報料同合作:
Email: kjfoodlife@gmail.com
Mobile: 63525193

發表迴響

你的電子郵件位址並不會被公開。 必要欄位標記為 *