食盡大埔 – 名廚監製雞鍋 花膠魚肚超足料

大埔既店舖有名廚陳國強師傅監製,有個幕後大廚去監督出品,質素點都一定有保證,作為大埔街坊緊要支持。

晚市都真係好多人,成個場都坐滿哂,好多一家人或者一大班朋友黎食,見到有即叫即切既牛肉吧,連紙巾盒既設計都好復古。

醬汁既配料好似蔥、蒜、辣椒等等用左獨立包裝,比平時既感覺會乾淨啲,前菜有麻醬冰菜食,夠新鮮做開胃菜岩哂。

去之前已經想叫既《豐生水起鍋黃湯鴛鴦花膠雞鍋》($258/小),用上左新鮮文昌雞加入金黃火腿、三黃雞、瑤柱、螺頭、赤肉煲足12小時,入面仲有好多花膠同魚肚,煲先就即飲湯真係超濃超香,成煲都飲哂咁濟,飲完個口仲黏黏咁勁多骨膠原。

牛肉揀左《本地手切牛頸脊》($238/小),淨係見到個擺盤都好靚,有牛肉吧即叫即切,就算小盤都有好多塊,紋理好鮮明又好靚,淥一淥食牛味香濃。

打邊爐點少得叫丸,想試兩款可以揀《自選雙拼丸》($68),叫左墨魚丸同潮州魚丸,全部都係即時手打,全部都大大粒又彈牙。

仲有至愛既邊爐配料《自家製炸響鈴》($48),一盤都有成七八條都夠多,點一點湯就可以食,索左個雞湯加少少脆口。

食完就飲番杯《好大杯檸檬薏米水》($28),入面勁多薏米加埋檸檬香,飲完即時爽哂。最後仲有甜品送,入面有啲碌柚同花香幾清新。

店名:豐生水起
地址:大埔翠和里5號麗和閣地下F號舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:

發表迴響

你的電子郵件位址並不會被公開。 必要欄位標記為 *