食盡觀塘 – 飲杯白酒食生蠔 豪嘆烤焗海鮮盤

放工就緊係想輕鬆下食餐好,去到觀塘潮食生蠔飲白酒,呢間店幾區都有分店專食海鮮,百幾蚊有龍蝦既海鮮冷盤真係抵。《二人白酒生蠔餐》,餐入面有杯白酒配生蠔岩哂,生蠔係美國中碼生蠔六隻,中碼都幾肥美同大隻而海水味都幾濃。

Read more

食盡尖沙咀 – 海膽遇上黑松露 濃厚忌廉青口

放幾日假緊係要食好啲,一於去擦餐勁既,今次去既呢間係正K11對面夠哂方便,岩哂放工直接衝過去食,夠近又夠方便。前菜先叫個《白酒忌廉煮藍青口》,青口大細適中,白酒味唔算出但個忌廉汁真係好濃,拎埋黎點麵包更正。野飲好特別既《手搖紅茶配自家製檸檬雪條》,檸檬茶上面再放上雪條,雪條就咁食又得,撈埋落野飲酸味更出。

Read more

食盡尖沙咀 – 尖沙咀小木屋 激淋紅燒牛肉

平時午飯時間排滿人既小店,食飯時間真係想入都有排等,趁住假期下午,入面無咩人唔駛等位,終於一試台灣風味。最想黎食既係呢個《川味紅燒牛肉麵》,湯底用上左純牛大骨煲成牛骨湯,所以無化學物添加劑,飲落味道偏清淡,牛肉厚身食落好淋。

Read more

食盡大埔 – 韓國人主理 激脆海鮮煎餅

係大埔谷有人推薦呢間韓國野好食,係韓國人主理既小店,都係做一啲家常菜式,有一晚大家都係無飯家庭,一於去會一會佢。家庭式小店有二三十個位左右,由韓國人主理,成個設計都係行家庭簡約風,另外除左普通家常小菜都仲有得做韓式燒烤。去到韓國餐廳緊要叫作為國民美食《炸醬麵》,濃黑既炸醬加埋肉丁撈埋麵條食,岩岩好無燶到,炸醬份量又可以沾滿每條麵條。

Read more

食盡旺角 – 旺角掃街之選 新鮮熱辣炸雞

去得旺角最好緊係掃街,台灣黎既炸雞真係經常都會食,而且呢間雖然開左好多分店都依然保持到水準,仲都幾多選擇可以揀。店內最突出既當然係佢地既炸雞,可以見住係入面即點即炸,炸完之後仲會放出黎灑調味粉,用上磅計重量包無少俾你。必叫緊係招牌既《香香炸雞》,叫左小份,當然最好係即叫即炸,所以要等一等,熱辣辣再灑上辣粉,個皮夠脆帶少少辣夠惹味。

Read more

食盡西灣河 – 西灣河沙嗲佬 真炭火串燒

去到太安樓除左係入面掃食之外,經過果條迫滿人既食街出去,見到有個燈籠掛起左,即係沙嗲佬開左門喇,緊係要整番幾串嘆下喇。店仔其實真係好細,一邊窗放滿左一串串野食,之後一邊係落單位,落完單就見到師傅拎起扇瘋狂咁撥個爐就夠正宗。叫左招牌既《炭燒蜜汁烤乾魷魚片》,一大塊燒起之後見住店住掃上好多蜜汁,一打開包裝滿瀉既汁,魷魚片乾身有咬口都幾香。

Read more

食盡尖沙咀 – 坐定定等食 專人廚師服務

尖沙咀一向都係日本菜既重駐地,Omakase而家更係開左去好多地方,廚師發辦既好處就係坐定定唔駛諗,廚師就將最當造最新鮮既奉上,仲專人服侍你跟住用餐進度上菜。大推燒到金黃色外皮《金目鯛》,燒完之後個外皮真係超香脆,燒香後魚油係會入口之後滲出黎,好香好肥美。

Read more

食盡西灣河 – 彈牙芋圓加煉奶 大大碗仙草冰

太安樓掃街緊係要掃台式小店,一去到就半度閘落左以為賣哂,諗住一場黎到居然無得食,點知過多陣岩岩就見到佢開番即去排隊,排左一陣之後已經勁多人。一定要試《三種冰》,一出黎真係成座冰山咁超大碗,加上彈牙芋圓好有咬口,不過份量偏少得幾粒一陣就食哂,再加左仙草凍好滑好清爽夠天然,冰感較碎本身有黑糖汁少少甜熱氣全消。

Read more

食盡油麻地 – 黃巴士埋站 炎燒布丁梳乎厘

終於一試呢間旺角既人氣黃巴士,雖然位角大街角落,但真係長期好多人排隊,門口永遠都堆滿人,今日行過見到都係等五六個就一於試下喇。叫左限量既《炎燒布丁梳乎厘》,話係限量但我係下晝接近食飯時間去其實仲有,面頭有層燒左既焦糖,不過稍微過硬咬落脆口,梳乎厘其實係原味上面再燒同埋淋上吉士醬,食落唔太甜,感覺上似係蛋糕口感多過似梳乎厘。

Read more

食盡尖沙咀 – 三文魚溫泉薄餅 鐵板香蕉布朗尼

呢間尖沙咀分店真係長期排滿人,店舖雖然係商場入面但無野隔住,好似有好多道門開哂咁都幾開揚,但係無阻大家排隊入去食。最有驚喜係甜品《朱古力布朗尼餅》,個鐵盤真係熱辣辣咁上,香蕉烤過甜味足,布朗尼朱古力味都幾濃。

Read more