食盡尖沙咀 – 尖沙咀小木屋 激淋紅燒牛肉

平時午飯時間排滿人既小店,食飯時間真係想入都有排等,趁住假期下午,入面無咩人唔駛等位,終於一試台灣風味。最想黎食既係呢個《川味紅燒牛肉麵》,湯底用上左純牛大骨煲成牛骨湯,所以無化學物添加劑,飲落味道偏清淡,牛肉厚身食落好淋。

Read more

食盡大埔 – 韓國人主理 激脆海鮮煎餅

係大埔谷有人推薦呢間韓國野好食,係韓國人主理既小店,都係做一啲家常菜式,有一晚大家都係無飯家庭,一於去會一會佢。家庭式小店有二三十個位左右,由韓國人主理,成個設計都係行家庭簡約風,另外除左普通家常小菜都仲有得做韓式燒烤。去到韓國餐廳緊要叫作為國民美食《炸醬麵》,濃黑既炸醬加埋肉丁撈埋麵條食,岩岩好無燶到,炸醬份量又可以沾滿每條麵條。

Read more

食盡銅鑼灣 – 多料海鮮火鍋 雙拼無骨炸雞

除左尖沙咀韓國街好多韓國野食之外,銅鑼灣都有唔少韓國餐廳,尤其樓上舖就愈開愈多,呢間樓上店就聚集左好多年輕人幫襯。先黎左一個《海鮮嫩豆腐火鍋》,入面都幾多材料,海鮮都已經有蜆,青口,蝦仔同魷魚,每樣都有幾隻份量都唔少。叫左少辣但係食落都會有少少辣度,一黎既時候見到大大舊原個豆腐放係上面,上面再加好多醬,煮到紅卜卜好吸引。

Read more

食盡中環 – 中環韓牛火鍋 惹味泡菜牛肉湯

平時韓國野食牛通常都係韓燒多,今次呢度韓燒之外仲有邊爐揀,用上左高質韓牛仲有幾個湯底可以揀,韓迷食番餐去一解鄉愁。火鍋有四種湯底可以揀,我地點左《雪濃湯底》同《泡菜牛肉湯底》滾起左之後試下個雪濃湯好清甜,泡菜湯就香香辣辣咁好惹味。呢度韓牛專門店,重點緊係呢個1++韓牛,點左兩隻款分別係《肉眼》同《後腿底板肉》,後腿底板肉食完之後真係覺得係必叫,真係有入口即溶既感覺。另外肉眼都係淥一陣就食得,肉眼食落就比較實身一啲,牛味都好重,加上泡菜味更加香口。

Read more

食盡觀塘 – 工廈新發現 隱閉木門小店

其實好耐之前上工廈覓食已經見到佢,不過見一大道木門常關就無入到去試,情人節搵搵下又見到menu唔差就揀左試下。主菜係《美國安格斯肉眼》五成已經切好左上方便食,不過再切下發現好多根位同咬落肉質都韌左少少,配左個《南瓜利可他芝士酥皮卷》,酥皮夠脆芝士好多食完都幾漏。另外有整到心心型既蘿蔔好有心思。

Read more

食盡銅鑼灣 – 滑嘟嘟炸雞 限定芝士炸雞

補祝各位新年快樂,黎緊一年搵多啲,點食都瘦,愈黎愈靚,趁芝士火鍋延期到二月先完,前排去左團年食番餐。幾個人叫左大份量啲《特級芝士火鍋》,勁鍾意食既超脆農夫包粒,點芝士真係勁夾,都幾大盤麵包粒又夠脆點滿芝士正到爆。另外仲包左手工流心芝士年糕同紫薯年糕,點完芝士仲食到入面有流心,仲有勁大盤炸薯條,另外有幾大舊豬仔骨不過肉質都幾鞋同韌。

Read more

食盡天水圍 – OPPA燒韓牛 原隻超大八爪魚

成日話呢個天水圍城無好野食,今次就去搵下正野,呢間韓燒店超大間,係正天水圍既新裝修街市旁邊夠方便,行入去好多人燒緊,但係無油煙味亦無成店都係煙。店內貼上左好多韓國電影既大海報,仲有好多唔同既韓文小海報同埋韓文燈箱,整到好似成條街咁,成個感覺就好似入左去韓國食店一樣。塊韓牛肉眼真係又大舊又厚,啲油花又勁靚,仲有oppa幫我地燒,燒到半成就會問要唔要熟啲好貼心,一咬啲牛口真係超好食,仲有牛脂爆哂出黎。

Read more

食盡長沙灣 – 瘋狂打卡熱點 姊妹檔粉色小店

粉紅控Cafe控必去,全店都用左粉白色做主調,簡單得黎又鮮明,由兩姊妹精心打造到成間Cafe既每個位都係打卡位。一入去已經俾粉色搶哂Focus,坐住門口粉色位加上霓虹燈,影落去真係好有少女Feel,仲有聖誕裝飾加添氣氛,呢舖仲做唔到偽文青。當然唔少得呢兩盞今期超級流行既霓虹燈,用上左唔同字體寫上左唔同既字句,絕對係而家文青打卡位。

Read more

食盡尖沙咀 – 必食限定雪糕 林柿搭上雪糕

由Popup去到實體店,點都要再會一會韓國過江龍雪糕,成日都會推出限定口味,今次仲有好特別全港獨有既林柿味,一於試一試。店面都沿用左一貫既色調,同之前Popup Store一樣既設計,金黃色醒神之外又搶眼。全港獨有限定既《林柿牛奶雪糕》,用左韓國空運既柿,食落超香林柿味又夠香甜,食完一杯想再食多杯。

Read more

食盡荃灣 – 鐵板拉絲芝士 超抵食韓食

荃灣路德圍算係各國野食既集中地,地道小店又有,台食韓食中菜都有,呢間韓國菜人流不絕,望入去見到人地食炸雞超大隻啖啖肉。今日收工獨自晚餐食唔落炸雞,唯有叫個《例牌大韓無骨豬手》,例牌都唔算好少,半隻碟都舖滿哂豬手,切開哂方便食之外仲灑上左芝麻更香,先放上豬手上紫生菜,再點上豆瓣醬同蒜片夾埋一齊食,一啖肉再一啖皮脂,香味十足仲可以搭埋泡菜同醃蘿蔔食。

Read more