食盡觀塘 – 惹味串燒咖喱 1988泰菜

見到1988呢個數目即去,因為好有意義。上左一樓都兜左一圈先搵到,原來呢度係食泰菜,好彩book到最後一張枱,真係勁多人黎無哂位。泰國野點可以唔食《黃咖喱牛腩》,出黎只係微暖,點上左超脆用穌皮整既《烤薄餅》夠惹味,個薄餅係一定一定要叫,牛腩炆得太耐有啲爛不過好淋,薯仔似後加唔夠入味。店員真係超有禮貌,夜晚工廈鎖哂門怕我地唔識行,親自送到我地出去超細心。

Read more

食盡旺角 – 旺角小森林 清新越泰菜

波鞋街翻新之後綠化左,有一幢本來話有公眾花園但又無左既The Forest,呢間種滿左花草既小森林,係旺角呢啲俾人攻佔既地方,坐落感覺好舒服。個招牌已經俾好多花花草草圍住左,差唔多連個名都睇唔到咁濟,真係成幅都係草牆一樣,另外做左個開放式餐廳,但係用上左唔少玻璃盆栽做裝飾,感覺上又唔會太開揚又美觀。

Read more

食盡銅鑼灣 – 銅鑼灣小角落 乳豬變漢堡

唔搵過都唔知原來銅鑼灣角落有呢間Cafe,店舖位係Neway附近,真係要搵過先見到,坐低店員都好親切介紹有咩好食要加分。用上左全塊既落地玻璃,玻璃上面畫左好靚既圖案,好似一入門口就見到既Welcome字樣,的確要花好多心機先畫到。十二月推介食肉獸必叫《乳豬漢堡》,真係諗都未諗過用乳豬取代包,疊起上黎真係好大個,面頭隻乳豬勁大隻,中間仲有大大塊牛肉,乳豬油脂足肉質都好嫩,同埋個皮真係超脆,中間夾上幾塊蕃茄同青瓜中和一下,仲有一大塊自家製激厚牛肉,真係滿足食肉獸。

Read more