遊盡沖繩 – 小巷拌麵小店 蛋黃撈辛辣麵

沖繩既國際通附近既小巷仔真係超多小店,仲要好多都好高賣素,今次我地都係轉入去小巷仔搵食,門口已經排左勁多人等位。唔辣既《乾拌麵》可以揀要幾大碗,隨麵附上味噌湯,攪拌之後就食得,入面有五味調成,更可加上自家製辣油、昆布醋、或柚子胡椒醬,彈牙麵條撈滿蛋汁再加上海苔蔥花味噌肉醬,簡單就已經好食。

Read more

食盡銅鑼灣 – 招牌燒春雞 雞脾打人牙骹軟

有晚想食既餐廳超多人,唯有轉移陣地,睇左幾間之後,去到呢間見到餐牌有呢隻燒雞好吸引就中左入去試。招牌《Woody’s燒春雞》真係差唔多枱枱都叫,放左個好得意寫法牌教大家點食,一摸落去隻雞真係超熱辣辣,皮香肉滑唔好顧儀態用手撕出黎食,雞油仲會流埋落下面既沙律度。

Read more

食盡觀塘 – 日本四國學藝 自家製海苔烏冬

一到午飯時間就人頭湧湧既烏冬店,一早去拎定位坐低慢慢嘆,店主去過香川県學藝,為左整到原汁原味,更加購入日本用具同材料。呢個招牌烏冬一陣間就會清哂貨,《海苔冷烏冬配骨付雞》,幼烏冬好煙韌有咬口,啲烏冬好長又痴埋一舊食得有啲輪盡,食落又唔覺有好濃既海苔味,可以點日本醬油芥末蔥花一齊食,骨付雞好香既蒜同黑椒香味,雞肉都好嫩滑,食多就覺幾油同重調味料。

Read more

食盡觀塘 – 即包鹿兒島黑豚肉餃子 即煮餃子即煎梅頭扒

觀塘工廈一向都有唔少好野食,今次去呢間凍肉店成個凍櫃可以即揀扒再專人即時煎扒,另外仲有即煮餃子。叫左《黑豚肉全手工水餃》,有得揀白菜同韭菜餃,用上左100%鹿兒島既黑豚肉,見到姐姐好努力咁包,叫完就即拎去煮,先試原味咬落去有陣陣豚肉香甜味,另外仲可以點餃子醋等調味。

Read more

食盡銅鑼灣 – 脆脆吞拿魚卷 邪惡帶子鵝肝包

銅鑼灣樓上舖有間小店,見到幾個人踢哂腳咁整野食,有啲款式都幾有創意有心思,可以將唔同既食材整埋一齊。《邪惡包》成個漢堡咁原來係帶子夾鵝肝,帶子幾厚身又鮮味,夾上油脂豐富既鵝肝又唔會太油膩。

Read more

食盡長沙灣 – 泰奶戚風蛋糕 茉莉綠茶氮氣茶

長沙灣清新茶飲店,野食都用上左茶去配搭,上次試左幾款唔同既茶食甜品同埋DIY左抺茶,今次有新野又去試喇。今次見到有新蛋糕《泰式奶茶戚風蛋糕》,有枝泰奶吱吱有得玩又加到更香濃奶茶味,蛋糕鬆軟又唔會好乾身,入面仲有粒粒麻糬好煙韌。

Read more

食盡尖沙咀 – 新丼飯專門店 日本直送刺身丼

一到午餐晚餐時間就排哂隊,原來係食呢間日本直送既丼飯店,聽聞質素都唔差,除左丼之外仲有關東煮同埋串揚食。先黎第一個既係《喜之次丼》,居然食到日本三大名魚喜之次真係好矜貴,仲有新魚又肥美既油甘魚同金目鯛,再放上海膽同松葉蟹肉夠鮮味。

Read more

食盡大埔 – 原隻龍蝦海膽飯 $1嘆窩夫優惠

行過粉嶺原來開左分店,新啲仲有多左好多唔同裝飾,最特別係居然有氮氣咖啡飲,不過方便自己都係去番太和店,要下次再試咖啡。之前已經試左原隻軟殼蟹,今次見到呢排推出左《海膽龍蝦飯》,原隻已經拆肉既波士頓龍蝦夠彈牙,加埋激烈的火炙馬糞海膽,龍蝦汁燴飯好濃香入面加左蟹肉。

Read more

食盡觀塘 – 賣衫賣到開餐廳 觀塘工廈新打卡熱點

行過D2 Place都會見到間木系設計既賣日韓衫既舖頭,今次真係賣衫賣到開餐廳,將設計帶去係觀塘工廈度做起飲食業,沿用左日系木系設計打卡一流。主菜叫左《Torio招牌青蘋紅茶咖喱飯》,用上左紅茶同青蘋果煮配搭新鮮,有少少紅茶香滲出黎,咖喱香味略微不足,配上牛肋肉同薯仔亦太韌身。

Read more

食盡旺角 – 東京築地食堂大盛丼 抵食辣辣牛肉肥美炙燒豚肉

之前一直都係食開拉麵,而家拉麵之外又有新選擇,推出左三款新丼,全部都係啖啖肉成座肉山一樣,肉食控真係要去食番餐飽。《燒牛肉丼》,上面舖滿左勁多塊牛肉,辣辣地好鬼惹味,最正有蛋黃撈飯配上甜甜地既醬汁一齊食,一陣就扒哂碗飯。

Read more