食盡大埔 – 原隻龍蝦海膽飯 $1嘆窩夫優惠

行過粉嶺原來開左分店,新啲仲有多左好多唔同裝飾,最特別係居然有氮氣咖啡飲,不過方便自己都係去番太和店,要下次再試咖啡。之前已經試左原隻軟殼蟹,今次見到呢排推出左《海膽龍蝦飯》,原隻已經拆肉既波士頓龍蝦夠彈牙,加埋激烈的火炙馬糞海膽,龍蝦汁燴飯好濃香入面加左蟹肉。

Read more

食盡旺角 – 藍光下的晚餐 10安士美國西冷

旺角既鬧市路邊有間小餐廳,入面怖滿左藍色燈光同唔少既啤酒,食緊果陣見到人流亦都唔少,坐到全餐廳都滿坐。唔少得要食牛扒,《美國PRIME西冷》,西冷有成有10安士好大塊,配上左熱辣辣既薯條,用上左自家製香草牛油可以搽係牛扒上面。

Read more

食盡旺角 – 新商場高水準晚餐 必食鮮嫩羊架

旺角新開商場愈黎愈多餐廳,入到去除左行下街影下相打下卡,仲可以去大飽口福,今次就去到商場既高層享受呢間高質西餐。《炭燒澳洲自然羊鞍》,一大兩小既配搭,羊架煎得外香入面依舊嫩紅,有少少羶味更惹味,好特別配上甜木瓜同薄荷香草醬,夠特別又有心思。

Read more

食盡尖沙咀 – 圓方闊落環境 嘆厚厚Pancake

呢間餐廳一直都係我地既用餐List度排緊隊,睇演唱會之前有得早放,一於去圓方行下順便醫肚再搭車去就岩岩好。甜品叫左一直好期待既《The Pantry’s Pancake》,即叫即整要等一陣班戟先會黎,三大舊夠厚身,口感較濕潤可以配上忌廉食更幼滑。

Read more

食盡尖沙咀 – 飲杯激靚鮮花酒 皮脆肉嫩乳豬

尖沙咀既寶勒巷附近一向都係覓食集中地,有酒吧有餐廳想食野又得想飲又得,今次去既有得食有得飲有歌聽場都唔駛轉。店員推介左呢杯《Nathan Garden》,上面放滿左當日最靚既鮮花,靚到勁岩女仔影相,飲落清香甘菊花同蘋果汁。

Read more

食盡尖沙咀 – 蒸籠避風塘軟殼蟹 搵岩地方嘆番杯

放假緊係要嘆番杯,最好緊係揀番間唔太遠,環境又唔錯,仲要有得食餐好既先再飲下野,咁先叫做享受假期。一見到呢個就諗住叫,《美國安格斯牛肉芝士煙肉煎蛋漢堡》,大大個漢堡包哄過香脆,煎蛋蛋黃整穿好多蛋汁,牛肉叫左五成肉汁夠多唔會乾爭爭,加上香味十足既煙肉更好食。

Read more

食盡尖沙咀 – 放工後慢活差電 脆焦糖抹茶

成個星期咁辛苦緊係要放工慢活一下,呢度最好係環境夠大,又坐得舒服,慢慢坐夠舒服,一班人傾下計又一晚。《櫻花蝦蜆肉牛油香蒜炒意粉》,食落牛油香真係好出,面頭有唔少櫻花蝦再加上幾舊蜆肉,撈埋蒜粒就多香口。

Read more

食盡油麻地 – 濃濃龍蝦湯 鋸嫩紅牛扒

行過油麻地總會見到呢間巷仔小店,其實一直都想試,坐低之後原來都幾多人會黎食,仲不乏有外國人黎幫襯,餐牌好多都好吸引。意粉叫左《明太子海蝦意大利粉》,醬汁都幾多意大利粉食落有香口既明太子,撈埋一啲忌廉汁一齊食,海蝦有兩隻都夠大隻多肉。

Read more

食盡旺角 – 牛油果不見了 店員都不見了

呢間本來見唔差都bookmark左一段時間想試,不過有啲店真係試一次就夠,其實最主要唔係野食問題,係店員真係唔係好得。服務方面除左答我個不知所謂答案既疑似店長,一個係咩都唔知又唔記得你叫過落單既店員,一個係埋單俾完張單你就去同人吹水,最後唔會記得你埋單既店員,點再幫襯!?

Read more

食盡尖沙咀 – 尖沙咀樓上小店 同區抵食午餐

平時尖沙咀食個午餐都要成舊水,呢度最平五十零就有真係幾抵食,所以真係爆哂幾多人食,點零鐘去到都要等下位先入到去。係正海港城對面,成幢都有好多野食,一出Lift就係店見到一大幅木系既牆,好鍾意門口有塊黑板寫左Find Your Dream,好鍾意有金句既Cafe。《煙三文魚菠菜忌廉意粉》,三文魚撕開幾片放面唔算好多,菠菜就好多沾滿哂意粉,意粉軟硬度適中。

Read more