食盡觀塘 – 首間市內專門店 十幾款雪糕任揀

終於市區開左第一間既專門店,唔駛再去到機場先有專門店或者成日要撲popup喇,而家隨時都有雪糕食喇。我地就緊係食番個《雙球雪糕球》,有成十幾隻味揀,食左冧酒提子同法式焦糖燉蛋,一個字好味。

Read more

食盡旺角 – 漸層蝶豆花 平民燕窩桃膠

三十幾度高溫係旺角街頭,真係要飲番杯野解渴,呢度係新開過黎既飲品店,見到有好多漸層野飲好靚,又多生果茶幾健康。叫左呢杯《蝶豆香橙柚子桃膠》,蝶豆做成既紫色真係好靚,店員新鮮拎橙出黎榨汁,水果都係即切新鮮,叫左半糖飲落唔甜,用左健康桃膠,應該為左方便飲切到好碎咬落尚叫爽口。

Read more

食盡銅鑼灣 – 樓上舖越南河 牛油果奶昔

其實我真係好鍾意食生牛肉,接近每次叫河粉都一定叫,呢度招牌緊係由細到加加大都有得揀,想一碗獨食兩三個人一齊食都得。一定要試生牛肉,所以叫左《生牛肉牛坑腩片湯粉XL》,叫左加大兩個人都絕對夠食,各有七至八塊既牛肉同牛腩,牛坑腩係爽口唔淋身,個湯都幾重味不過唔係好夠熱,所以生牛肉真係撈少少生生地食,河粉唔痴埋一舊算正常。

Read more

食盡灣仔 – 嘆杯靚咖啡 激厚豬肉漢堡

90後老闆打造既咖啡室,澳洲風既野食但要有創意唔沉悶,而主理既咖啡師更係得獎咖啡師同埋有做評審,所以沖出既咖啡有咁上下質素。咖啡叫左《White》,揀左Flat White用Choco Blend可可味較重,每杯咖啡都配上tasting note夠用心〝可先搭配旁邊既藍莓令咖啡味道更出,配搭藍莓咖啡香氣更濃郁。

Read more

食盡尖沙咀 – 香濃雪糕咖啡 打碎朱古力球

平時餐廳都係正正經經坐係度食,呢度可以坐係草地餐廳嘆甜品,牆上掛上左好多可愛立體動物,仲有唔少植物營造綠色舒服既環境。最有特色緊係呢個《爆脆草地滾球》,下面放左綠色金寶真係好似係草地甘既波波咁,一拎黎就大大力敲碎面層朱古力,個朱古力面都幾硬身要敲幾下先碎開。碎開之外入面都仲有好多料,有冰鎮住入面保溫,有芝士蛋糕雪糕凍冰冰,加上有朱古力脆米同綠茶金寶更有口感。

Read more

食盡西營盤 – 草莓西瓜蛋糕 脆脆芝士薄餅

放假梳乎嘆好啲,去過澳洲就好掛住個西瓜蛋糕,香港都有得食順便食埋個晚餐填下肚。緊係有主角既《草莓西瓜蛋糕》,中間夾左一層西瓜上面有幾片士多啤梨,加上花瓣同中間滑忌廉,未有得去澳洲吊住癮先。

Read more

食盡觀塘 – 火焰燒豬手 約會觀塘二月

觀塘愈開愈多高質既小店,當然要瓹竉瓹罅周圍搵食,近排餐廳推出左個紅酒啤酒任飲,仲有小食跟埋都好吸引,不過今次我地係俾個火焰燒豬手吸引黎既。最吸引一定係呢個《德國火焰咸豬手》,豬手原隻上再用火即場燒真係超吸引,絕對俾時間大家相機食先,燒完之後先拎入去切,成道菜夠哂表演性,燒完之後食落皮脆肉嫩。

Read more

食盡尖沙咀 – 大大條八爪魚 厚身烤五花腩

一直都覺得呢度既野食好靚,自從K11開左唔少小品牌之後,可以睇到唔少外面無既品牌,行過文青既商場店舖,就會入到去嘆番個悠閒既下晝。由於未食野太肚餓所以叫左好多野食,《燒八爪魚一黎見到勁大條八爪魚腳圍住,食落太有韌勁,米型粉蕃味幾濃同有辣肉腸伴上,另外有一塊墨汁脆片真係超脆身同好有特色。

Read more

食盡灣仔 – 酒店級牛角包 酥脆又鬆軟

四季酒店前總廚開既麵包店永遠排滿人,牛角包最出名亦早早賣哂,去到坐低既時侯岩岩無哂,最後附近行左個幾鐘等下一爐。等左個幾鐘終於出爐既《牛角包》,外皮酥皮層層叠叠超脆,入面較為輕盈鬆軟,其實係有蜂巢形咁好靚,不過俾我一啖咬扁左,加上超香牛油香又唔會太油膩,堅係值得等。

Read more