食盡尖沙咀 – 正宗摩洛哥菜 惹味雞肉燉鍋

尖沙咀都有唔少特色菜式,今次試下摩洛哥菜,香港真係無咩地方有得食,仲有正宗既摩洛哥人做廚師。《雞肉燉鍋》,用上左摩洛哥煮食器具倒轉漏斗形陶鍋,形象夠特別同慢燉會更原汁原味,呢味係摩洛哥既拿手煮雞法,濃香既醬汁又有清香既檸檬同橄欖。

Read more

食盡銅鑼灣 – 新加坡天天海南雞 煙霧瀰漫咕嚕肉

新加坡天天海南雞首開海外分店,連埋幾間人氣米芝蓮店座落銅鑼灣,到而家都仲勁多人排隊,果日八點幾去到條隊仲係勁長。一場黎到緊係唔少得主角既《天天海南雞》同《天天石窩雞飯》,用上番總店既雞再落湯煮,再放冰水令肉質更鮮嫩,雞味濃厚再配上左秘製醬汁,一啖雞一啖雞湯煮既黃油飯夠滿足。

Read more

食盡中環 – 25年珍藏茶葉 芝士朱古力加普洱

中環新開既茶飲店,用上香港老字號既四款茶葉每日沖泡,包括左烏龍鐵觀音普洱同茉莉龍珠,四款茶都係即日泡用上茶葉唔用茶粉。《芝士黑朱古力珍藏普洱》,用上左25年雲南珍藏普洱,由於無用糖漿飲落黑朱古力較淳,上面芝士厚身同幾咸香。

Read more

食盡觀塘 – 高質西班牙小食 橡果級黑毛豬非一般叉燒

成日去東廣場食飯都見到呢間小食坊坐滿人,原來呢個小食坊真係非一般小食坊,賣既係高質西班牙野食,唔怪得成日都咁多人。《橡果級黑毛豬極品梅頭叉燒》呢個用上黑毛豬整既非一般叉燒,肉品好豐富多汁,食落較一般叉燒柔軟,再塗上蜜汁烤更入味。

Read more

食盡銅鑼灣 – 即場表演甜品騷 自家製高水準甜品

甜品食得多即場係你面前畫又食過未,即叫即揀枱墊就有專人介紹同即砌即畫,真係一面欣賞住藝術品一面又可以食甜品一舉兩得。《席前甜品》個完成品出左黎真係好多唔同既材料,睇上去真係成幅畫咁好色彩繽紛,當然見到每個人都會不停咁影相打卡留念喇。

Read more

食盡旺角 – 新商場高水準晚餐 必食鮮嫩羊架

旺角新開商場愈黎愈多餐廳,入到去除左行下街影下相打下卡,仲可以去大飽口福,今次就去到商場既高層享受呢間高質西餐。《炭燒澳洲自然羊鞍》,一大兩小既配搭,羊架煎得外香入面依舊嫩紅,有少少羶味更惹味,好特別配上甜木瓜同薄荷香草醬,夠特別又有心思。

Read more

食盡東涌 – 墨西哥牛肉卷 一啖芝士一啖飯

夜晚去機場路過東涌醫肚,成日黎到都唔知有咩好食,今次去左街市試下呢間墨西哥菜,等既時候都見到幾多街坊去買。叫左個《墨西哥牛肉卷》即叫即焗超級熱辣辣,見佢包到漲卜卜一咬開成舊都係飯黎。

Read more

食盡觀塘 – 首間市內專門店 十幾款雪糕任揀

終於市區開左第一間既專門店,唔駛再去到機場先有專門店或者成日要撲popup喇,而家隨時都有雪糕食喇。我地就緊係食番個《雙球雪糕球》,有成十幾隻味揀,食左冧酒提子同法式焦糖燉蛋,一個字好味。

Read more

食盡旺角 – 漸層蝶豆花 平民燕窩桃膠

三十幾度高溫係旺角街頭,真係要飲番杯野解渴,呢度係新開過黎既飲品店,見到有好多漸層野飲好靚,又多生果茶幾健康。叫左呢杯《蝶豆香橙柚子桃膠》,蝶豆做成既紫色真係好靚,店員新鮮拎橙出黎榨汁,水果都係即切新鮮,叫左半糖飲落唔甜,用左健康桃膠,應該為左方便飲切到好碎咬落尚叫爽口。

Read more