食盡觀塘 – 選用新鮮活黑羽雞 每日鮮味靚湯

中秋節緊係要食雞,呢間小店下晝成日都勁多打工仔外賣,用左香港既永明農場既鮮活雞,無激素加上香港製造。其中一個招牌《醉鮮雞飯》斬開左大約有四五舊雞,雞件唔算滑同埋好多骨無咩肉食,個醉雞汁酒味都幾出,可以撈埋飯食。

Read more

食盡太子 – 超香椰子文昌雞鍋 北海道海膽煲仔飯

真係好耐都無打過邊爐,今次試下個清清地既椰子雞鍋,去左太子附近,原來開左間都幾大間既火鍋度,就算一大班人都坐得好舒服。《原味海南椰子文昌雞鍋》個鍋入面已經有椰子放左係度,一打開已經勁大陣清香椰子味,之後落埋雞落去再等個漏斗倒數完就可以食得。

Read more

食盡尖沙咀 – 四川冒菜麻辣粉 鴨血土豆粉

外面有個大大既標語寫左我們擅長用味道表達,亦都有寫左一啲佢地既特色,少少既巷仔用左黑白既招牌標語表達。可能突然人多關係,啲餸真係要咩就無咩,改完又改仲要錯完又錯不停黎問左幾次先確認哂,仲要不停送錯枱,最後等左四十分鐘先食到。

Read more

食盡長沙灣 – 泰奶戚風蛋糕 茉莉綠茶氮氣茶

長沙灣清新茶飲店,野食都用上左茶去配搭,上次試左幾款唔同既茶食甜品同埋DIY左抺茶,今次有新野又去試喇。今次見到有新蛋糕《泰式奶茶戚風蛋糕》,有枝泰奶吱吱有得玩又加到更香濃奶茶味,蛋糕鬆軟又唔會好乾身,入面仲有粒粒麻糬好煙韌。

Read more

食盡大角咀 – 味歷亞洲海鮮自助餐 狂食長腳蟹即煮新加玻叻沙

見到呢個愈早訂愈抵既自助餐,諗住好耐無食過,見十五日前訂星期一至四三百蚊都唔駛,而家做緊亞洲主題又有海鮮一於去擦餐勁既。大家一開始都係去攻佔呢個冰鎮海鮮區,一開始就搶閘去拎《北海道鱈場蟹腳》,大大條都夠新鮮同多肉,枱面放左較剪一剪開就食得。仲有提供《英國麵包蟹》,真係原隻蟹放係度任你拎,入面蟹膏豐富。貝殼類既就有《澳洲藍青口》同《沙白》,最易食又啖啖肉,方便之選,最後仲有《大蝦》。

Read more

食盡油麻地 – 酥皮焗叉燒包 蝦餃新鮮彈牙

好耐無食過牛雜炸大腸,本來早左收工想食廟街牛雜但係無開,唯有搵下附近有咩好食,於是去食個點心填下肚順便做埋晚餐。至愛食既《功夫蝦餃皇》有啲驚喜,皮都幾薄身,一舊入面都有幾隻蝦唔梅身,蝦膠都幾彈牙爽口。

Read more

食盡紅磡 – 足料大碗煨麵 紅磡小店滬菜

紅磡一直都多平民美食,呢間平價又大大碗既上海菜小店成日都要等位,岩岩今次趕得切最後兩人位唔駛等。呢間真係小店黎,幾張木枱地方真係好淺窄,大家都要坐得迫少少同埋搭枱,呢啲就係而家出名大餐廳無既小店風味。必點既一定係《嫩雞煨麵》,一黎到真係勁大碗,麵份量多麵質幾淋,面頭菜同雞份量都唔少,雞肉依然嫩滑,湯底則較清淡。

Read more

食盡大角咀 – 素食自助餐 魯肉飯都有得食

食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。

Read more

食盡元朗 – 長龍排住食 紅卜卜酸辣湯

本身對酸辣唔係特別熱衷,但係元朗掃街見排哂長龍無理由唔試,全部一落單,姐姐就無停手咁整,仲有手抓餅可以食,真係做到無停。叫左個《招牌酸辣粉》加豬紅同豬大腸每款八蚊,成碗好多花生酸豆角同肉碎,本身都食得小小辣所以小辣都唔係太嗆,反而酸就無咩,豬紅豬腸都幾多,不過全部都好細舊,配料都幾入味但豬腸煮到散哂。

Read more

食盡銅鑼灣 – 即煎羊肉餃子 超多麻醬撈麵

之前食過日本餃子,今次就食下中國既餃子,呢間專做北方餃子,仲係連續三年拎左灣仔最喜愛食肆獎,應該有番咁上下水準。店舖都放左好多中國既裝飾,好似頭頂既燈好有古式宮廷既感覺,中間仲掛左大大個金牌係度,仲有唔少既中式細節。餃子叫左《煎京葱羊肉餃子》,全部都即叫即煎,熱辣辣之外個外皮超香脆,食落仲唔會好油膩好多汁但唔夠羶。

Read more