食盡西灣河 – 脆皮手抓餅 燒雞肉加芝士

太安樓除左芋圓同海南雞,呢間手抓餅店仔細細都好多人排隊,離遠已經聽到果陣煎手抓餅既聲,係正中間走廊位地方大啲,又無其他野食舖係隔離唔駛同人迫餐死。首先叫左個《餅底》,加左雞肉雞蛋芝士同椰菜,所有料都跌哂去底,所以面頭只係食到熱辣辣又好脆既手抓餅,食到中間雞肉都幾多,但芝士未溶哂一塊塊,蛋溶入左塊餅度一齊食有少少蛋香,整體係唔錯既。

Read more

食盡銅鑼灣 – 激長生蠔吧 放工飲兩杯

你有壓力我有壓力,放工去Times Square鬆一鬆既好地方,有成7000呎地方夠哂大,大大個酒吧台可以飲下酒又有唔同國家既生蠔食。餐廳搶眼既就係呢個長長既生蠔台,有勁多唔同國家黎既生蠔,其實用七百幾蚊就可以食哂16隻唔同既生蠔,平均都係48蚊隻好抵玩。前菜《蟹肉墨魚子火箭菜沙律》,最欣賞係用左雪凍既碟上菜,下面滿滿既蟹肉夾埋爽口既墨魚子,放上脆脆既多士一齊食。

Read more

食盡灣仔 – 酒店級牛角包 酥脆又鬆軟

四季酒店前總廚開既麵包店永遠排滿人,牛角包最出名亦早早賣哂,去到坐低既時侯岩岩無哂,最後附近行左個幾鐘等下一爐。等左個幾鐘終於出爐既《牛角包》,外皮酥皮層層叠叠超脆,入面較為輕盈鬆軟,其實係有蜂巢形咁好靚,不過俾我一啖咬扁左,加上超香牛油香又唔會太油膩,堅係值得等。

Read more

食盡西灣河 – 結業前食一食 太安樓班戟

見到做到十四號就結業,諗住去試一試出名既焦糖布甸班戟,見到個樣幾靚就想去試下,話係原個布甸倒落去好有趣。但係我地六點去到,可能大家見到報道佢就黎結業都湧去食,三隻特別款都已經賣哂。諗住就結業都試下普通款《水蜜桃雪糕班戟》,揀左芒果雪糕放中間,都幾香芒果味,上面放滿水蜜桃,不過班戟皮太淋身,真係可能得三隻特別款可能較出色。

Read more

食盡銅鑼灣 – 多料海鮮火鍋 雙拼無骨炸雞

除左尖沙咀韓國街好多韓國野食之外,銅鑼灣都有唔少韓國餐廳,尤其樓上舖就愈開愈多,呢間樓上店就聚集左好多年輕人幫襯。先黎左一個《海鮮嫩豆腐火鍋》,入面都幾多材料,海鮮都已經有蜆,青口,蝦仔同魷魚,每樣都有幾隻份量都唔少。叫左少辣但係食落都會有少少辣度,一黎既時候見到大大舊原個豆腐放係上面,上面再加好多醬,煮到紅卜卜好吸引。

Read more

食盡中環 – 中環韓牛火鍋 惹味泡菜牛肉湯

平時韓國野食牛通常都係韓燒多,今次呢度韓燒之外仲有邊爐揀,用上左高質韓牛仲有幾個湯底可以揀,韓迷食番餐去一解鄉愁。火鍋有四種湯底可以揀,我地點左《雪濃湯底》同《泡菜牛肉湯底》滾起左之後試下個雪濃湯好清甜,泡菜湯就香香辣辣咁好惹味。呢度韓牛專門店,重點緊係呢個1++韓牛,點左兩隻款分別係《肉眼》同《後腿底板肉》,後腿底板肉食完之後真係覺得係必叫,真係有入口即溶既感覺。另外肉眼都係淥一陣就食得,肉眼食落就比較實身一啲,牛味都好重,加上泡菜味更加香口。

Read more

食盡銅鑼灣 – 滑嘟嘟炸雞 限定芝士炸雞

補祝各位新年快樂,黎緊一年搵多啲,點食都瘦,愈黎愈靚,趁芝士火鍋延期到二月先完,前排去左團年食番餐。幾個人叫左大份量啲《特級芝士火鍋》,勁鍾意食既超脆農夫包粒,點芝士真係勁夾,都幾大盤麵包粒又夠脆點滿芝士正到爆。另外仲包左手工流心芝士年糕同紫薯年糕,點完芝士仲食到入面有流心,仲有勁大盤炸薯條,另外有幾大舊豬仔骨不過肉質都幾鞋同韌。

Read more

食盡銅鑼灣 – 人氣氷屋 情人節限定刨冰

我終於食到呢間人氣超長龍氷屋,趁早食完飯又天氣凍,無人排隊即衝入去食,好在入面都幾暖唔駛凍住咁食冰。有情人節限定《伯爵奶茶朱古力味》,刨冰用左日本純水,刨出黎好細滑同好重既伯爵茶味,上面再淋上好多朱古力醬夾埋真係好好食,入面有餅碎之外面頭仲有爆炸朱古力啪啪啪。

Read more

食盡銅鑼灣 – 即煎羊肉餃子 超多麻醬撈麵

之前食過日本餃子,今次就食下中國既餃子,呢間專做北方餃子,仲係連續三年拎左灣仔最喜愛食肆獎,應該有番咁上下水準。店舖都放左好多中國既裝飾,好似頭頂既燈好有古式宮廷既感覺,中間仲掛左大大個金牌係度,仲有唔少既中式細節。餃子叫左《煎京葱羊肉餃子》,全部都即叫即煎,熱辣辣之外個外皮超香脆,食落仲唔會好油膩好多汁但唔夠羶。

Read more

食盡上環 – 不要問 只要坐低飲咖啡

係中上環呢啲咁趕咁忙既地方,有一間樓底極闊落,坐落勁舒服,掛滿綠色植物既地方,絕對係輕鬆一下既好地方。成店都掛上左好多綠色植物,差唔多每張台既頭頂都會有感覺係鬧市入面好綠州既感覺,再加上有少少木系設計,同湖水藍色既座椅成個感覺好柔和。悠閒既時侯一定要飲咖啡,《法式焦糖燉蛋泡沫咖啡》,面頭只有小範圍燒到脆身,飲完咖啡暖笠笠最岩天塞地凍入去坐下嘆下。

Read more