食盡銅鑼灣 – 激長生蠔吧 放工飲兩杯

你有壓力我有壓力,放工去Times Square鬆一鬆既好地方,有成7000呎地方夠哂大,大大個酒吧台可以飲下酒又有唔同國家既生蠔食。餐廳搶眼既就係呢個長長既生蠔台,有勁多唔同國家黎既生蠔,其實用七百幾蚊就可以食哂16隻唔同既生蠔,平均都係48蚊隻好抵玩。前菜《蟹肉墨魚子火箭菜沙律》,最欣賞係用左雪凍既碟上菜,下面滿滿既蟹肉夾埋爽口既墨魚子,放上脆脆既多士一齊食。

Read more

食盡銅鑼灣 – 多料海鮮火鍋 雙拼無骨炸雞

除左尖沙咀韓國街好多韓國野食之外,銅鑼灣都有唔少韓國餐廳,尤其樓上舖就愈開愈多,呢間樓上店就聚集左好多年輕人幫襯。先黎左一個《海鮮嫩豆腐火鍋》,入面都幾多材料,海鮮都已經有蜆,青口,蝦仔同魷魚,每樣都有幾隻份量都唔少。叫左少辣但係食落都會有少少辣度,一黎既時候見到大大舊原個豆腐放係上面,上面再加好多醬,煮到紅卜卜好吸引。

Read more

食盡銅鑼灣 – 滑嘟嘟炸雞 限定芝士炸雞

補祝各位新年快樂,黎緊一年搵多啲,點食都瘦,愈黎愈靚,趁芝士火鍋延期到二月先完,前排去左團年食番餐。幾個人叫左大份量啲《特級芝士火鍋》,勁鍾意食既超脆農夫包粒,點芝士真係勁夾,都幾大盤麵包粒又夠脆點滿芝士正到爆。另外仲包左手工流心芝士年糕同紫薯年糕,點完芝士仲食到入面有流心,仲有勁大盤炸薯條,另外有幾大舊豬仔骨不過肉質都幾鞋同韌。

Read more

食盡銅鑼灣 – 人氣氷屋 情人節限定刨冰

我終於食到呢間人氣超長龍氷屋,趁早食完飯又天氣凍,無人排隊即衝入去食,好在入面都幾暖唔駛凍住咁食冰。有情人節限定《伯爵奶茶朱古力味》,刨冰用左日本純水,刨出黎好細滑同好重既伯爵茶味,上面再淋上好多朱古力醬夾埋真係好好食,入面有餅碎之外面頭仲有爆炸朱古力啪啪啪。

Read more

食盡銅鑼灣 – 即煎羊肉餃子 超多麻醬撈麵

之前食過日本餃子,今次就食下中國既餃子,呢間專做北方餃子,仲係連續三年拎左灣仔最喜愛食肆獎,應該有番咁上下水準。店舖都放左好多中國既裝飾,好似頭頂既燈好有古式宮廷既感覺,中間仲掛左大大個金牌係度,仲有唔少既中式細節。餃子叫左《煎京葱羊肉餃子》,全部都即叫即煎,熱辣辣之外個外皮超香脆,食落仲唔會好油膩好多汁但唔夠羶。

Read more

食盡銅鑼灣 – 驚喜生日晚餐 上海派俄羅斯菜

生日當然要慶祝下,一早已經睇中左呢間海派俄羅斯菜,其實係俄羅斯貴族以前流落上海,所以融入左上海風味。入去就見到好多酒放哂係度,絕對岩哂你食住飲番杯,仲有好多唔同既俄羅斯公仔,由細至大都有收藏好豐富。必定要試《上海派招牌羅宋湯》,先炒香左蕃茄醬,飲落有蕃茄醬甜味,加入捲心菜同入味牛肉粒,酸中帶甜又帶少少辣味。

Read more

食盡銅鑼灣 – 低處未算低 魚蛋減價大亂鬥

呢舖真係好睇過溏心風暴,全城熱話既兩間魚蛋燒賣減價戰,你減價我就要減多你一蚊,成日話蝕住咁做,今日一於黎個直撃報導。先黎減到$5買一送一既景隆園,一埋去已經勁多人排哂隊朝聖,同埋已經見到個客同店員罵戰,仲專登將炸起既三寶一兜一野咁撻係個客前面,魚蛋燒賣食落好粉同好實,好似未熟哂咁,辣醬有香味無辣度。黎到$6買一送一既凝香園,見唔到有長龍,姐姐都黑口黑面不過態度正常,食落無咁實身同粉狀,雖則都同好食有段距離,辣醬反而見到辣椒碎辣度都夠有啲驚喜。

Read more

食盡銅鑼灣 – 銅鑼灣小角落 乳豬變漢堡

唔搵過都唔知原來銅鑼灣角落有呢間Cafe,店舖位係Neway附近,真係要搵過先見到,坐低店員都好親切介紹有咩好食要加分。用上左全塊既落地玻璃,玻璃上面畫左好靚既圖案,好似一入門口就見到既Welcome字樣,的確要花好多心機先畫到。十二月推介食肉獸必叫《乳豬漢堡》,真係諗都未諗過用乳豬取代包,疊起上黎真係好大個,面頭隻乳豬勁大隻,中間仲有大大塊牛肉,乳豬油脂足肉質都好嫩,同埋個皮真係超脆,中間夾上幾塊蕃茄同青瓜中和一下,仲有一大塊自家製激厚牛肉,真係滿足食肉獸。

Read more

食盡銅鑼灣 – 大份超抵食 韓式嫩滑炸雞

好耐無食過炸雞喇,一班朋友聚會好地方,野食份量超大一齊食就岩哂,入去時都見到好多一大班一大班人係度食仲聽到後面台係韓妹添。無骨炸雞有三款叫左《醬油炸雞》,炸雞配上兩舊粟米同薯仔,烤得夠入味,炸雞炸粉夠薄入面仲係嫩滑夠juicy,本身醬油甜甜地唔會乾爭爭,配埋蜜糖芥末喇、沙律喇、醬油同甜辣既四式醬一齊食更惹味。

Read more

食盡銅鑼灣 – 正宗元祖韓式餐廳 超入味韓燒

落戶香港好耐既韓國餐廳,真係超多人等位,坐得好舒服食完又無油煙味,店員都不停換盤夠扺讚。一坐低就先黎左八小碟,而家好少餐廳真係會黎足哂八碟,通常都係俾一兩碟就算數,除左黎足八碟之外連擺位都好講究。牛魔怪既我要點《調味牛肋骨肉》,全部都已經調味好勁入味,燒一燒就食得牛味濃又夠稔。

Read more