食盡灣仔 – 酒店級牛角包 酥脆又鬆軟

四季酒店前總廚開既麵包店永遠排滿人,牛角包最出名亦早早賣哂,去到坐低既時侯岩岩無哂,最後附近行左個幾鐘等下一爐。等左個幾鐘終於出爐既《牛角包》,外皮酥皮層層叠叠超脆,入面較為輕盈鬆軟,其實係有蜂巢形咁好靚,不過俾我一啖咬扁左,加上超香牛油香又唔會太油膩,堅係值得等。

Read more

食盡灣仔 – 凍冰冰打邊爐 秘藏宮廷火鍋

一出黎已經見到電梯門成個中國式既大門一樣,好似自己要入宮廷咁樣,仲有幾個小鑼鼓做裝飾好有中國風。一出去就係整刺身既地方,旁邊好多水缸,打上左藍色燈好有時代感,入面最搶眼一定係隻勁大大大既蟹。懶得諗下叫左個《刺身和牛極尚套餐》,刺身有呑拿三文同油甘魚,二人餐每人都有兩大舊,夠厚切同新鮮。主菜當然係日本鹿兒島和牛,二人餐有六舊,捲埋左之後放係冰碎上面保溫,撈一撈就可以食,油脂分佈好靚牛味足又夠嫩。

Read more

食盡灣仔 – 生日食乳豬 加埋醉雞無得揮

生日緊要賀一賀佢喇,食得多日式西式野都去食下中式野,去食番隻乳豬好意頭,本身兜記改左名要再試下。一早已經睇中要叫勝記即燒乳豬,堅持自己燒個皮都幾脆,睇下個皮都夠薄夠脆,肉質都唔鞋。最好食要加個蒸包夾住食,有少少甜味包埋乳豬點埋醬更好味。

Read more

食盡灣仔 – 月頭食蠔啲 鋸埋塊扒先

呢排做隻出色的馬仔做到暈,月頭緊係食蠔啲,於是就搵左呢間灣仔既小店去食,下晝有扒有生蠔食一於就揀佢喇。岩岩過左食飯時間入去食,咁就可以慢慢坐,環境都幾舒服,坐低慢慢食嘆杯酒真係幾梳乎。Lunch加68蚊就有三隻是日生蠔食,今次係南非Rollex好Creamy同淡淡海水味回甘味重,兩個人緊係叫夠半打喇。

Read more

食盡灣仔 – 街頭小食 米芝蓮蝦米腸

香港人點可以唔街邊拮下魚蛋食個腸粉,米芝蓮推薦既街頭小食店一於去朝下聖。店面唔算好大,同埋真係好舊或既小食店,外面係好似車仔咁裝野食。見有《香煎蝦米腸粉》,腸粉煎得香脆不過唔太滑同無咩蝦米既香味,如果再香少少就更惹味。

Read more

食盡灣仔 – 咖啡 X 冬甩 飲埋泰式奶茶

自從Krispy Kreme走左之後好少再有大型冬甩店駐港喇,印尼專門店黎喇,終於唔駛排長龍有成22款慢慢揀。朱古力迷緊試《Crunchy Crunchy》,面頭有朱古力脆脆咬落有口感,不過面層朱古力凍左稍為太硬,冬甩唔油膩軟為淋身亦唔太甜。

Read more

食盡灣仔 – 家庭式小店 即煎勁大份煎餅

灣仔新開家庭式小店,即叫即煎既煎餅,餅漿用左黃豆粉綠豆粉仲有綠豆即日磨成蓉無咁熱氣。麻辣好出名,不過先試一下孜然羊肉,外皮有啲過淋,要讚中間加左塊薄脆更有口感,仲有勁多蔬菜料同幾塊羊肉食完當午餐都得。

Read more

食盡灣仔 – 車胎人推介 越南生牛肉河

囍帖街重新裝修之後多左好多食肆,西式中式咩都有,呢間係米芝蓮推介既越南生牛肉河,作為牛牛迷既一定要試喇!最期待既迷你生牛河,原來個size都唔算迷你,湯底好濃生牛肉睇得出用料好靚,特別地order加左牛脷札肉都好淋又入味。

Read more

食盡灣仔 – 豪嘆正爆日食 特選鮪盛 加拿大海膽

個朋友都去日本睇櫻花,無得去都要食下日本野,係個細細地既商業大廈門口入去,上到灣仔樓上舖嘆日食。超推介特選鮪盛($220),分別左至右有吞拿魚中吞拿魚腩同大吞拿魚腩,中拖羅魚味已經超濃郁,大拖羅油份超豐富入口溶化。

Read more