食盡東涌 – 菠蘿仔賣菠蘿包 真菠蘿加忌廉

有睇美食車都會見過呢個菠蘿包,其實係東涌都有分店,佢地既菠蘿包係得過獎,難得去一次東涌當然要試下喇。呢個得獎美食《鮮忌廉菠蘿包》,菠蘿包面皮夠脆不過唔太熱,入面放左一大堆自家製忌廉同埋新鮮菠蘿~不過俾我揀既,都係鍾意食番傳統菠蘿包。

Read more

食盡東涌 – 墨西哥牛肉卷 一啖芝士一啖飯

夜晚去機場路過東涌醫肚,成日黎到都唔知有咩好食,今次去左街市試下呢間墨西哥菜,等既時候都見到幾多街坊去買。叫左個《墨西哥牛肉卷》即叫即焗超級熱辣辣,見佢包到漲卜卜一咬開成舊都係飯黎。

Read more

食盡大嶼山 – 昂坪嚐甜 山水木桶豆花

趁天氣好又有生日優惠,搭左昂坪360上去市集行下,除左有大佛寶蓮寺仲有好多牛走黎走去,行到中間就有幾檔食檔可以食野,最好食番碗豆花。就係呢一碗《山水豆腐花》,揀左最多人果間試下,本身已經加左糖水不過點都要加黃糖,豆花都算幾滑有少少豆香,又無嘩一聲好好食既感覺,不過山長水遠黎到一定要整番碗。

Read more

食盡香港 – 抹茶層層叠 東茶園抹茶蛋糕

抹茶控注意,提早一大班親戚食飯,預備甜品一次過買哂三隻抹茶蛋糕食唔駛諗,有成一百五十年歷史既東茶園,用上靚靚抹茶茶味超甘香。最大既波波係《宇治抹茶巨蛋》,外層超脆朱古力加杏仁碎,入面好多層,抹茶寒天超濃抹茶味,加上抹茶慕絲忌廉同黑糖啫喱好多層口感。

Read more

食盡香港 – 火速賣哂 大熱迷你布甸

為左食可以去到幾盡?不枉一早起身等佢開門果一刻,終於搶到呢個迷你布甸,唔駛再羡慕韓妹先有得食喇,兩隻大熱既迷你布甸終於黎到香港,每杯賣廿三蚊。先試白色既《焦糖雲呢嗱布甸》,布甸挺身質地,上面層布甸係有雲呢拿籽,到底先有焦糖汁,略嫌唔係太夠味。反而《朱古力布甸》陣朱古力味超濃,你睇隻色都覺得好濃朱古力,三聲就成杯俾我食哂喇,朱古力迷大愛呀。

Read more

食盡香港 – 你今日食左未呀?炎夏送埋冰包

俾我搶到最後一包,去到今個月23號,係7-Eleven或者Circle-K買兩件Lotte乳酪多唧唧冰加6蚊就可以換冰包,可以保溫又可以退熱仲可以美容消腫,心動不如行動你今日飲左未呀。

Read more

食盡香港 – 十字牌新產品 奶茶都撈埋

奶茶同咖啡不嬲都係至愛,十字牌連奶茶都撈埋點都要試下,買果時俾店員話識飲WOR你!十字牌出既奶味一定夠,不過茶味又點樣呢?飲落都係茶餐廳既茶味濃D,但係呢隻都算幾滑身,過下口癮都可以既!

Read more

食盡香港 – 放假食好啲 Vol 2 連皮都綠埋 抹茶火鍋雪糕批

放假食好啲第二彈黎到甜品篇,兩隻日本限定口味到港。士多啤梨芝士入面有士多啤梨醬,夾埋勁濃郁又超夾既芝士味。抹茶火鍋連脆皮都變埋抹茶色,一貫出品既抹茶雪糕口味,係七仔買到$39一盒。

Read more

食盡馬灣 – 隱世民居cafe 來佬漢堡

馬灣第二擊,入到去就搵食為先,落車見到呢間隱藏民居既cafe,見餐單幾吸引就入去試下。設計真係好西式,好似民居餐廳咁,仲有好多外國既貨品賣,好似朱古力,果醬都有。食物用料好講究,專門係外國入貨番黎,試試個漢堡真係幾高質。

Read more