食盡大埔 – 原隻龍蝦海膽飯 $1嘆窩夫優惠

行過粉嶺原來開左分店,新啲仲有多左好多唔同裝飾,最特別係居然有氮氣咖啡飲,不過方便自己都係去番太和店,要下次再試咖啡。之前已經試左原隻軟殼蟹,今次見到呢排推出左《海膽龍蝦飯》,原隻已經拆肉既波士頓龍蝦夠彈牙,加埋激烈的火炙馬糞海膽,龍蝦汁燴飯好濃香入面加左蟹肉。

Read more

食盡大埔 – 大埔拉麵居酒屋 惹味地獄拉麵

住大埔真係唔愁食飯問題,今次就去試呢間好評既拉麵店,呢個係大埔既群組好多人都讚好食,就算打去都只係可以話盡量留位。一共分左幾隻鳴拉麵,今次揀左秘製地獄醬火辣辣既《焰鳴》,紅卜卜食落辛辣味夠,加上左好入味又淋既豬軟骨同好多櫻花蝦。

Read more

食盡大埔 – 瀑布椰香波霸 新鮮生果果茶

一路行見到人拎住杯勁靚既野飲,於是就跟住條路去搵,原來係天橋位開左間台式飲品店,全店都係黃色超搶眼。推介既係《椰香惡魔波霸》,一睇外面成個瀑布咁好吸引,珍珠咬落煙韌,一飲果陣椰香味真係好濃,仲有甜甜地黑糖味。

Read more

食盡大埔 – 韓國人主理 激脆海鮮煎餅

係大埔谷有人推薦呢間韓國野好食,係韓國人主理既小店,都係做一啲家常菜式,有一晚大家都係無飯家庭,一於去會一會佢。家庭式小店有二三十個位左右,由韓國人主理,成個設計都係行家庭簡約風,另外除左普通家常小菜都仲有得做韓式燒烤。去到韓國餐廳緊要叫作為國民美食《炸醬麵》,濃黑既炸醬加埋肉丁撈埋麵條食,岩岩好無燶到,炸醬份量又可以沾滿每條麵條。

Read more

食盡大埔 – 生磨芝麻糊 客家煙韌糍粑

小區小店都不敵瘋狂香港租金,做埋呢幾個月就要結業喇,當見到滿街都倒模商店,就好懷念細個樓下已經有唔同小小玩具店行既時侯。最出名係糍粑即叫即包,排隊等緊果陣緊係買番個《自家磨芝麻糊》暖下,芝麻要風乾一晚先磨煮,大大個爐既熱水座住夠暖,食落夠芝麻香口感亦夠濃稠。終於排到《客家糍粑》,姐姐即叫即包,望到姐姐超熟手咁就包起好勁,皮夠薄粒粒都好大粒好飽滿,入面爆哂花生黑芝麻餡勁惹味。

Read more

食盡大埔 – 開到黎大埔 足料湯濃越南粉

錦麗終於開到黎大埔,點可以睇少大埔街坊既威力,少不免會排哂長龍,真係排好耐先入到,終於唔駛出九龍都有得食。店面都係用上左藍黃色做設計,掛住左好多唔同既報導,店仔細細不過設計得都幾有心思。千祈唔好話有無攪錯,呢度名乎其實係得牛牛粉食,次次食都叫《錦麗綜合粉》,有哂生牛肉熟牛肉牛丸,至愛食牛丸好夠味,記得要飲啖湯先好開始食,飲得到果啖精華。

Read more

食盡大埔 – 涉谷過江龍 大埔新拉麵店

大埔又有新拉麵店開左個幾月,仲要勁多人排隊,作為街坊當然要試下,原來仲係東京涉谷既過江龍,唔怪得咁多人排喇。其中一個係期間限定《鮮味蛤蜊濃湯拉麵》,濃湯用壓力煲將豬骨等材料既味迫出,味道較濃郁,蛤蜊鮮味足,仲多到叠到座山出黎。

Read more

食盡大埔 – 駛入咖啡灣 原隻軟殼蟹意粉

又黎覓食大埔系列,呢間舖已經見到佢開左好耐,但係一直夜晚就排足咁耐,用左藍白色做主調,天鵝做左個標誌,今次夜左少少番去唔駛等好耐,終於俾我食到喇,但係食完之後見到仲有人排隊。就到聖誕已經有聖誕樹做裝飾,全店都用左藍白色做主色,座位夠大都坐得好舒服,牆上面掛左佢地既天鵝標誌,同埋好多好得意既字或者圖畫。必定會叫既《軟殻蟹黑松露忌廉義大利麵》,一大隻軟殻蟹趴係麵度好震撼,用上左原隻軟殻蟹,意粉落左蒜炒香,加埋本身黑松露香味更香濃。

Read more

食盡大埔 – 走上大埔83公路 嘆脆卜卜豬手

行過好多次都想試既小店,雖然門口唔起眼不過次次行過都見到好多人食,夜夜地經過一於試下佢,小店形式經營,食既都係街方,價錢都幾公道。見枱枱都叫《德國咸豬手》,無理由唔食既,酸菜有三種,薯蓉打得超幼滑同好香牛油味,點埋附餐既醬汁更好食。豬手勁大份量,一咬個皮勁脆卜卜聲,肉質唔靭咸香味十足,兩個食完勁飽。

Read more

食盡大埔 – 食在大埔 去一次德國之旅

愈黎愈多小店進駐大埔,試一試呢間開左差唔多兩年既德國小店,順便同屋企人食餐好既,點知七點食到八點幾包哂場,居然坐左個幾鐘一個人都無。德國野一定要試咸豬手,豬手都幾嫩身皮亦夠脆,加上已經切開左大部份好易食晞雖然同上次銅鑼灣食有啲距離,不過呢個價錢合格。

Read more