食盡元朗 – 一試元朗名物 搭上元朗鬼巴士

元朗鬼巴士聽得多,但係一直都未有機會去元朗食到,今次一入就入元朗本店食,睇下同肥姐肥仔有無得揮先。叫左個《忘不了套餐》,套餐包左生腸搭左豬脷同豬耳豬頭肉,其實料就都算新鮮爽口既,不過食落唔係太夠入味,即使成條浸落黑漢果豉油度都唔太夠味。

Read more

食盡元朗 – 新加坡茶飲店 芝士撞上茶

新加坡茶飲店開黎香港,之前尖沙咀開新店既時候大排長龍,雖然買一送一但食飯時間費事等就無飲,入開元朗,見店內無咩人就飲杯試下。芝士迷緊係試《芝士觀音》,茶味唔係好濃唔係好出,面頭芝士望落都唔錯但係較稀身,飲落芝味都唔太夠。

Read more

食盡元朗 – 長龍排住食 紅卜卜酸辣湯

本身對酸辣唔係特別熱衷,但係元朗掃街見排哂長龍無理由唔試,全部一落單,姐姐就無停手咁整,仲有手抓餅可以食,真係做到無停。叫左個《招牌酸辣粉》加豬紅同豬大腸每款八蚊,成碗好多花生酸豆角同肉碎,本身都食得小小辣所以小辣都唔係太嗆,反而酸就無咩,豬紅豬腸都幾多,不過全部都好細舊,配料都幾入味但豬腸煮到散哂。

Read more

食盡元朗 – 即場睇表演 即整即賣花生糖

入得黎元朗都要買既手信,即場表演人手製花生糖,出面賣既多係機整,呢度人手整埋俾你睇,夠哂真材實料。人手加芝麻落花生度,再溝埋啲糖醬一次過撈勻,見到姐姐都好熟生係咁撈,啲花生糖真係好煙韌,整好哂就放出黎賣,除左花生糖都仲有好多野食。一盒《雜錦花生糖》,入面包左三款,黑白芝麻同椰絲花生糖,一打開真係好香花生香味,大大粒花生又唔係好甜。

Read more

食盡元朗 – 元朗巷仔拉麵 薄切火燒叉燒

香港愈開愈多拉麵店,日本過江龍而家通街都係,今次走遠少少去到元朗食,今次真係行完又轉,轉完又行,終於搵到呢條有拉麵食既巷仔,仲要唔駛排隊就有得食。《拉麵DX》配上中叉燒,全部叉燒都係火燒油脂充足,有三四塊都係做到超薄身,麵用上左曲麵,較易掛湯。揀左黑蒜味湯底唔太濃但係清淡啲無味精,飲落唔會覺得一口係咸味,雞蛋太流心到蛋白都仲流緊。

Read more

食盡元朗 – 懷舊香港裝飾 元朗潮式糖水店

元朗又有新開既潮式糖水店,果然真係勁多人排隊,主打好多潮式糖水最特別係有好受歡迎既清心丸同芋圓地瓜圓食。店舖走懷舊香港風,好多懷舊既小細節,成間店既牆同窗都好模仿番以前既屋既樣,信箱喇枱喇連坐墊都係老香港味道,仲有一啲舊物好似舞師同小風扇。叫左個推介既《清心丸配綠豆爽加芋圓地瓜圓》,見到好淡色飲落真係無咩味似水,地瓜圓比芋圓香同幾有咬口,清心丸反而好特別食落有甜味,有時懷舊一下就好。

Read more