食盡大埔 – 原隻龍蝦海膽飯 $1嘆窩夫優惠

行過粉嶺原來開左分店,新啲仲有多左好多唔同裝飾,最特別係居然有氮氣咖啡飲,不過方便自己都係去番太和店,要下次再試咖啡。之前已經試左原隻軟殼蟹,今次見到呢排推出左《海膽龍蝦飯》,原隻已經拆肉既波士頓龍蝦夠彈牙,加埋激烈的火炙馬糞海膽,龍蝦汁燴飯好濃香入面加左蟹肉。

Read more

食盡大埔 – 大埔拉麵居酒屋 惹味地獄拉麵

住大埔真係唔愁食飯問題,今次就去試呢間好評既拉麵店,呢個係大埔既群組好多人都讚好食,就算打去都只係可以話盡量留位。一共分左幾隻鳴拉麵,今次揀左秘製地獄醬火辣辣既《焰鳴》,紅卜卜食落辛辣味夠,加上左好入味又淋既豬軟骨同好多櫻花蝦。

Read more

食盡大埔 – 瀑布椰香波霸 新鮮生果果茶

一路行見到人拎住杯勁靚既野飲,於是就跟住條路去搵,原來係天橋位開左間台式飲品店,全店都係黃色超搶眼。推介既係《椰香惡魔波霸》,一睇外面成個瀑布咁好吸引,珍珠咬落煙韌,一飲果陣椰香味真係好濃,仲有甜甜地黑糖味。

Read more

食盡大埔 – 韓國人主理 激脆海鮮煎餅

係大埔谷有人推薦呢間韓國野好食,係韓國人主理既小店,都係做一啲家常菜式,有一晚大家都係無飯家庭,一於去會一會佢。家庭式小店有二三十個位左右,由韓國人主理,成個設計都係行家庭簡約風,另外除左普通家常小菜都仲有得做韓式燒烤。去到韓國餐廳緊要叫作為國民美食《炸醬麵》,濃黑既炸醬加埋肉丁撈埋麵條食,岩岩好無燶到,炸醬份量又可以沾滿每條麵條。

Read more

食盡元朗 – 一試元朗名物 搭上元朗鬼巴士

元朗鬼巴士聽得多,但係一直都未有機會去元朗食到,今次一入就入元朗本店食,睇下同肥姐肥仔有無得揮先。叫左個《忘不了套餐》,套餐包左生腸搭左豬脷同豬耳豬頭肉,其實料就都算新鮮爽口既,不過食落唔係太夠入味,即使成條浸落黑漢果豉油度都唔太夠味。

Read more

食盡荃灣 – 豪大大旁芋圓店 激甜冬瓜湯

豪大大居然附屬埋賣芋圓,其實就好少食佢既雞排,不過見呢間咁特別連台式甜品都撈埋就整番碗試下先喇。試左《九份芋圓冬瓜湯》,打正九份旗號既芋圓雖然彈牙但係全部痴埋一舊,味道唔夠出同個冬瓜湯真係甜到一個頂點,應該無下次。

Read more

食盡荃灣 – 即叫即炸鮮奶 煙肉大啡菇

荃灣愈黎愈開得多野食,去到掃街緊要掃下炸物,呢間店有炸物有串燒就岩哂,不過無得坐要立食,望落價錢都唔係太貴。居然有細個食既《炸鮮奶》,真係懷舊唔係度度都有做,一盒有六粒都幾大舊,新鮮熱辣整好架,外皮炸粉唔厚不過好油,成個底都係油咁濟,食落2奶味唔夠甜味太重好似食糖咁,中間奶芯亦唔夠滑。

Read more

食盡元朗 – 新加坡茶飲店 芝士撞上茶

新加坡茶飲店開黎香港,之前尖沙咀開新店既時候大排長龍,雖然買一送一但食飯時間費事等就無飲,入開元朗,見店內無咩人就飲杯試下。芝士迷緊係試《芝士觀音》,茶味唔係好濃唔係好出,面頭芝士望落都唔錯但係較稀身,飲落芝味都唔太夠。

Read more

食盡元朗 – 長龍排住食 紅卜卜酸辣湯

本身對酸辣唔係特別熱衷,但係元朗掃街見排哂長龍無理由唔試,全部一落單,姐姐就無停手咁整,仲有手抓餅可以食,真係做到無停。叫左個《招牌酸辣粉》加豬紅同豬大腸每款八蚊,成碗好多花生酸豆角同肉碎,本身都食得小小辣所以小辣都唔係太嗆,反而酸就無咩,豬紅豬腸都幾多,不過全部都好細舊,配料都幾入味但豬腸煮到散哂。

Read more

食盡元朗 – 即場睇表演 即整即賣花生糖

入得黎元朗都要買既手信,即場表演人手製花生糖,出面賣既多係機整,呢度人手整埋俾你睇,夠哂真材實料。人手加芝麻落花生度,再溝埋啲糖醬一次過撈勻,見到姐姐都好熟生係咁撈,啲花生糖真係好煙韌,整好哂就放出黎賣,除左花生糖都仲有好多野食。一盒《雜錦花生糖》,入面包左三款,黑白芝麻同椰絲花生糖,一打開真係好香花生香味,大大粒花生又唔係好甜。

Read more