食盡旺角 – 打開已經激香 勁可愛兔仔曲奇

前排行下旺角商場,無意中俾勁大個兔仔吸引左,成間店都好可愛,入去見到好多好靚既香港製造曲奇就買黎試下。《魔法六味曲奇》用上左魔術師兔仔同熱氣球做設計,加上至愛既天藍色罐已經忍唔住手,一打開曲奇超香食落牛油香加上唔同口味慢慢食。

Read more

食盡觀塘 – 冬蔭公夠惹味 西柚啫喱酸味味

去完泰國都要再食泰國菜,今次去觀塘工廈食餐好既,呢間泰國小店真係次次去都迫滿人,食完就再諗下下次去旅行。去得食泰國菜緊係要食《冬蔭公》,紅噹噹既冬蔭公見到都開胃,飲落辣味唔重酸味反而好出,入面有三隻蝦都唔會梅同有好多菇,一陣間飲哂成碗。

Read more

食盡尖沙咀 – 香濃雪糕咖啡 打碎朱古力球

平時餐廳都係正正經經坐係度食,呢度可以坐係草地餐廳嘆甜品,牆上掛上左好多可愛立體動物,仲有唔少植物營造綠色舒服既環境。最有特色緊係呢個《爆脆草地滾球》,下面放左綠色金寶真係好似係草地甘既波波咁,一拎黎就大大力敲碎面層朱古力,個朱古力面都幾硬身要敲幾下先碎開。碎開之外入面都仲有好多料,有冰鎮住入面保溫,有芝士蛋糕雪糕凍冰冰,加上有朱古力脆米同綠茶金寶更有口感。

Read more

食盡油麻地 – 濃濃龍蝦湯 鋸嫩紅牛扒

行過油麻地總會見到呢間巷仔小店,其實一直都想試,坐低之後原來都幾多人會黎食,仲不乏有外國人黎幫襯,餐牌好多都好吸引。意粉叫左《明太子海蝦意大利粉》,醬汁都幾多意大利粉食落有香口既明太子,撈埋一啲忌廉汁一齊食,海蝦有兩隻都夠大隻多肉。

Read more

食盡紅磡 – 足料大碗煨麵 紅磡小店滬菜

紅磡一直都多平民美食,呢間平價又大大碗既上海菜小店成日都要等位,岩岩今次趕得切最後兩人位唔駛等。呢間真係小店黎,幾張木枱地方真係好淺窄,大家都要坐得迫少少同埋搭枱,呢啲就係而家出名大餐廳無既小店風味。必點既一定係《嫩雞煨麵》,一黎到真係勁大碗,麵份量多麵質幾淋,面頭菜同雞份量都唔少,雞肉依然嫩滑,湯底則較清淡。

Read more

食盡觀塘 – 每日不同口味 重蛋香班戟

班戟店真係愈開愈多,呢間觀塘小店除左原味,每日都有一至兩款不同口味可以揀,包括朱古力紫薯抹薈同竹炭芝麻。因為原味先出就叫左《原味日式梳乎厘班戟》,出爐之後再加上忌廉同楓糖,兩件都幾厚身,質感札實有啲鬆餅感,蛋香都幾重,加埋香氣十足既楓糖就好食。

Read more

食盡深水埗 – 深水埗泰國小店 椰汁濃黃咖喱

深水埗不嬲都臥虎藏龍,好多好野食又唔會貴,簡直係平民既食區,今次黎到呢間泰小店食午餐,都幾多街坊幫襯。呢度有《黃咖喱雞扒飯》,黃咖喱好大碗椰汁味好濃唔辣,撈飯真係可以食多幾碗,仲有入哂味又好淋既薯仔添。

Read more

食盡尖沙咀 – 尖沙咀小巷子 地瓜小芋圓

成日都排長龍既台式奶茶店,出名有自家製白玉地瓜小芋圓可以加,每次行過都有勁多人等緊,不過今次去到無得食燒麻糬。既然係想試小芋圓就叫左《草莓鮮乳地瓜小芋圓》,飲落食到有啲草莓粒係底但草莓味唔夠,成杯都好奶味,地瓜圓小芋圓偏淋同味道唔係太出。

Read more

食盡尖沙咀 – 新開拉麵店 小辛豚肉沾麵

之前開左台灣店,都係勁多人,而家側邊又新開左間拉麵店,下午時段都幾多人一齊食,好彩去到咁岩有位唔駛等就食得。沾麵有冷麵同溫麵分,《辛辣豚骨沾麵》,有三塊薄身豚肉燒過都幾香,成間店都聞到燒果陣香味,個湯都夠惹味又唔會太漏,沾麵之後都唔會太咸。

Read more

食盡旺角 – 牛油果不見了 店員都不見了

呢間本來見唔差都bookmark左一段時間想試,不過有啲店真係試一次就夠,其實最主要唔係野食問題,係店員真係唔係好得。服務方面除左答我個不知所謂答案既疑似店長,一個係咩都唔知又唔記得你叫過落單既店員,一個係埋單俾完張單你就去同人吹水,最後唔會記得你埋單既店員,點再幫襯!?

Read more