食盡深水埗 – 嚴選騸牯牛肉 牛骨新鮮番茄湯

深水埗多野食係人都知,今次去間新開既小店,真係係街市既街邊檔旁邊先搵到,唔落足眼力都見唔到,呢間小店獨孤一味專研番茄湯。《犇犇有禮》牛肉用上肉味濃既驢牯牛,三種牛部位係牛面頰、崩沙腩、牛坑腩,最鍾意食崩沙腩連住肥膏位夠鬆化又有油香。

Read more

食盡深水埗 – 深水埗台灣牛肉麵 蛋餅凍凍地塊皮淋淋地

有一日去深水埗買完野,突然間好想食台灣牛肉麵,深水埗都好多小店可以揀,即時搵下附近邊度有得食,即時就入左去試下。既然最想食緊係要點《招牌紅燒牛肉麵》,黎到個麵只係暖暖地,牛肉食落算淋同入味,湯底唔濃麵條扁身唔太彈牙,蘿蔔有渣唔淋又唔入味,都真係好失望下。

Read more

食盡深水埗 – 深水埗越南小餐廳 蟹膏蕃茄湯濛

深水埗好多小店,呢間開左幾年既越南店經常都好多人,而且係越南師傳坐陣炮製美食,除左要排長龍之外,入面既位真係幾擠迫。九成都會叫呢個招牌菜,《蟹膏蕃茄湯檬》,份量唔少有蕃茄豬紅札肉等等,最吸引緊係果一大塊蟹膏,湯底個蟹味好濃,檬粉都已經好入味。

Read more

食盡深水埗 – 深水埗泰國小店 椰汁濃黃咖喱

深水埗不嬲都臥虎藏龍,好多好野食又唔會貴,簡直係平民既食區,今次黎到呢間泰小店食午餐,都幾多街坊幫襯。呢度有《黃咖喱雞扒飯》,黃咖喱好大碗椰汁味好濃唔辣,撈飯真係可以食多幾碗,仲有入哂味又好淋既薯仔添。

Read more

食盡深水埗 – 老店康瑞出品 煙韌多料芋圓

黎到深水埗緊係要食呢間老店,下晝四點一開店已經人頭湧湧,超多人係門口排隊,最後都拎飛等左五至十分鐘先入得。其實餐牌選擇唔多得十幾款,一於試最出名既叫左招牌既《特式仙草百配》,入面真係超多料成碗勁滿,芋圓地瓜圓都夠煙韌同幾香既芋頭地瓜味,仲有珍珠,小丸子,薏米同紅豆,仙草都幾滑嘟嘟不過仙草香可以再出啲。

Read more

食盡深水埗 – 手工自家製 深水埗懷舊餅店

香港會自家製既懷舊餅店愈黎愈少,難得深水埗廣為人知既仲有幾間,今日一於先試其中一間,呢度既糕點都係即日整夠哂新鮮。同另一間店唔一樣,覺得呢度姐姐好有禮貌好歡迎你買野既態度,令到人感覺好舒服唔似趕客咁黑口黑面,見到佢地仲同熟客有講有笑,真係有好多傳統糕點買得到呀。黑漆漆既《雞屎藤》,雞屎藤本身好有益既山草藥,用葉汁整既茶果就好健康,不過呢度整既較為實身,無咩韌度同清香感。

Read more

食盡深水埗 – 裝修重開 滑溜溜腸粉

呢度係黎親深水埗都要食既腸粉店,之前見佢舊舖重新裝修,而家終於開番喇,最有特式就係大家會係店外排腸粉,之後拎住立食,排隊既長龍依舊咁多人。今次想食蘿白所以入左去坐,《大腸粉》必定要叫多麻醬,加上仼灑既芝麻同甜醬混埋一齊勁正,不過腸粉好似無以前咁滑。

Read more