食盡九龍城 – 惹味印尼沙嗲串燒 米芝蓮推介小店

呢間人情味足既米芝蓮小店,一直都係去九龍城必去其中一間,以前係度番工食果個雞脾黃薑飯,雞脾又大隻又香好抵食。今次太飽淨叫串燒《豬頸肉》,唔乾好易咬,加上微辣既沙嗲醬超惹味。叫埋《雞肉》,燒完之後都好滑嫩,雞油十足滑嘟嘟。《花枝丸》外皮微焦,有四粒大大粒。

Read more

食盡九龍城 – 新年要酥Luck 彩虹酥皮牛角包

食團年飯咁多人,諗買啲小食甜品真係諗死,酥妃新推出好意頭酥Luck真係岩哂,忍唔住堂食左幾舊先打包走。雖然係賣蛋撻出名,不過成個裝修都超現代超靚,門口已經放上左好多出爐既蛋撻超吸引,仲有新推出去牛角酥同埋酥Luck。見到好五顏六色既Something彩虹牛角酥,除左原味之外,最好食同特別係《忌廉芝士牛角酥》,芝士香又唔會好膩,另外《有機蘋果牛角酥》清清甜甜都十分推介。另外仲有芝麻竹炭都好特別。食牛角包都有流心既《宇治金時牛角酥》除左牛角包係抹茶色,入面軟心充滿左抹茶醬。至愛朱古力既我緊係食埋《榛子朱古力牛角酥》,仲有粉紅草莓岩哂PINKPINK既女仔。

Read more

食盡九龍城 – 得獎咖啡師主理 九龍城高質Cafe

去親九龍城都係食泰菜,今次試下呢間得獎咖啡師主理既小店,地舖有得坐下外面嘆下咖啡,一入去已經聞到一陣咖啡香。一場黎到緊係要叫咖啡,居然會用上好少人用既虹吸方法,因為呢種方法比起手沖實在見得少之有少,成個過程就好似睇緊藝術品一樣。試左呢杯《危地馬拉拉米尼塔花神》,飲落花香味較重較易入口,咖啡師都好有心機都介紹咖啡特質抵讚。

Read more