食盡尖沙咀 – 新開拉麵店 小辛豚肉沾麵

之前開左台灣店,都係勁多人,而家側邊又新開左間拉麵店,下午時段都幾多人一齊食,好彩去到咁岩有位唔駛等就食得。沾麵有冷麵同溫麵分,《辛辣豚骨沾麵》,有三塊薄身豚肉燒過都幾香,成間店都聞到燒果陣香味,個湯都夠惹味又唔會太漏,沾麵之後都唔會太咸。

Read more

食盡銅鑼灣 – 東京人氣班戟 厚身原味班戟

呢間東京過江龍開左咁耐就排足咁耐,終於的起心肝去排黎食,果然一去都仲係好多人排緊隊,不過通常都唔算食得好耐都幾快到。用左最鍾意既藍色餐紙,叫左《Kiseki原味班戟》,叫完之後又等左四五個字,有三大塊聞到有蛋香味,較為淋身食落較為濕潤,蛋味都出同忌廉都細滑。

Read more

食盡旺角 – 牛油果不見了 店員都不見了

呢間本來見唔差都bookmark左一段時間想試,不過有啲店真係試一次就夠,其實最主要唔係野食問題,係店員真係唔係好得。服務方面除左答我個不知所謂答案既疑似店長,一個係咩都唔知又唔記得你叫過落單既店員,一個係埋單俾完張單你就去同人吹水,最後唔會記得你埋單既店員,點再幫襯!?

Read more

食盡旺角 – 小房子搬家了 探探可愛主子

旺角文青打卡熱點小房子搬家,感覺上空間大左光猛左,依舊有一束束既乾花放係度俾大家睇同揀,環境岩哂過一日Hea週末。只係去食個下午茶,所以叫左個Light啲既《豆腐芝士蛋糕》,配上左抹茶醬同埋穀物一齊食,質感較為黏身,芝士同豆腐味都淡淡地好清新。

Read more

食盡銅鑼灣 – 一把火點起燒 沖繩石垣牛

去過沖繩食石垣牛就覺得好正,沖繩過江龍本身係日本都有十幾間分店,而家開到黎香港喇,食肉獸既我緊要去試。一場黎到緊係要食招牌既《石垣和牛88火焰牛扒》,真係一黎就要準備相機,店員一倒落去就勁大火,燒一燒就會熄左,雄雄烈火燒完之後倒埋自家蒜蓉醬,牛扒中間依然嫩紅,食落牛味都出肉質有咬口,大家可以先叫生啲因為鐵板燒完會令牛扒更熟。

Read more

食盡深水埗 – 老店康瑞出品 煙韌多料芋圓

黎到深水埗緊係要食呢間老店,下晝四點一開店已經人頭湧湧,超多人係門口排隊,最後都拎飛等左五至十分鐘先入得。其實餐牌選擇唔多得十幾款,一於試最出名既叫左招牌既《特式仙草百配》,入面真係超多料成碗勁滿,芋圓地瓜圓都夠煙韌同幾香既芋頭地瓜味,仲有珍珠,小丸子,薏米同紅豆,仙草都幾滑嘟嘟不過仙草香可以再出啲。

Read more

食盡大角咀 – 素食自助餐 魯肉飯都有得食

食得多肉都要食下菜,覺得食素太寡太悶,呢度夠多款仲做緊台式主題岩哂你,總之入到去就會見到好清新同野食都好多色彩好吸引。呢度都係用上左自助既形式,餐具同埋醬料都係自取,鼓勵客人用一套餐具,食完之後要自己將碗碟杯筷放番係回收箱入面,同要自己清理剩餘食物,希望大家學識珍惜食物。最特別既係呢個《台式魯素肉燥》,一望真係勁似肉燥飯,其實係用菇等等既素食整成,食落撈飯都幾惹味,仲可以灑上葱花更加香。

Read more

食盡尖沙咀 – 黑松露勁香 熱食石鍋烏冬

尖沙咀長期長龍店,每次去都真係超多人排隊,就係為左食呢個石燒烏冬,今次專登係佢晚市一開門就去食即時就入到喇!因為即叫即整都等左一排先有,《活花甲手打烏冬》,揀左魚介豚骨濃湯,整鍋放係火上燒真係勁熱,石燒鍋可以保持到食完仲係熱,花甲都幾大隻同都幾多,鮮味又乾淨,湯底奶白面見到果陣豚骨精華,飲一啖真係勁醇香。

Read more

食盡中環 – 蘭桂芳唔飲酒 去燒吉列牛

邊個話去蘭桂坊一定要飲酒,一於反傳統去食吉列牛,岩岩既紅日就去擦餐勁既東京版吉列牛扒,店仔細細真係要打個轉搵一搵先見到。《吉列炸牛扒》($188),個餐,一黎店員就點起火,個火勢都幾猛燒野岩哂,見到成塊牛扒整整齊齊咁切開左,炸皮都幾薄身。可以將牛扒放上去煎,生熟度由你話事,幾秒之後可以點蒜鹽或者燒汁食,炸皮夠脆夠薄肉質軟稔,牛油香加有飯素既飯真係食多幾碗都得。

Read more

食盡尖沙咀 – 尖沙咀樓上小店 同區抵食午餐

平時尖沙咀食個午餐都要成舊水,呢度最平五十零就有真係幾抵食,所以真係爆哂幾多人食,點零鐘去到都要等下位先入到去。係正海港城對面,成幢都有好多野食,一出Lift就係店見到一大幅木系既牆,好鍾意門口有塊黑板寫左Find Your Dream,好鍾意有金句既Cafe。《煙三文魚菠菜忌廉意粉》,三文魚撕開幾片放面唔算好多,菠菜就好多沾滿哂意粉,意粉軟硬度適中。

Read more