玩盡昂坪 – 昂坪小秘境 木刻心經簡林

趁熱番又陽光普照,最好緊係去郊外行下,之前生日優惠免費坐左昂坪360,除左大佛同寶蓮寺,其實行入啲有個小秘景都好靚。當然我地行果幾萬級樓梯上大佛,今次既目的地係呢個心經簡林,大家會見到有路牌指你去寶蓮寺旁邊小路轉入去就會見到個木牌,大家跟住指示一條路就會行到,經過左好多樹空氣都清新啲。一入到去就會俾好多好巨型既木刻包圍,播住心經一邊行一邊聽,加上陽光照射落黎感覺好舒服。心經簡林其實係國學大師饒宗頤既墨寶,刻左般若波羅密多心經既經文,成個環境好壯觀。行上去仲可以望埋群山同南中國海,去昂坪不彷行入少少感受下。

Read more