食盡尖沙咀 – 正宗摩洛哥菜 惹味雞肉燉鍋

尖沙咀都有唔少特色菜式,今次試下摩洛哥菜,香港真係無咩地方有得食,仲有正宗既摩洛哥人做廚師。

今次係上樓食既餐廳,上去係門口已經見到好有特色既設計,入面既環境都幾大同埋都坐得幾舒服,成個設計都好有摩洛哥風。

牆上掛上左唔少好有特式既畫作,有唔同既風景同埋有一啲係當地信仰既表示,仲會可以見到當地人經常用既樂器。

有一啲印度風既大碟同埋燈飾。全部既花紋都會見到好精緻,同埋見到佢地既傳統煮食器具既蓋,每一個細細地都有唔同圖案好靚。

先飲一個《摩洛哥蕃茄組湯》($49),飲落有啖啖既茄味同少少香菜味,仲有羊肉、扁豆、鷹咀豆同西洋芹,入面都有好多餸。

再黎個小食《摩洛哥麵包》($38),麵包係每日廚師新鮮製作,一上枱圓拱拱漲卜卜,一撕開勁熱辣辣,入面好鬆軟點上醬汁食一流。

主角黎喇,《雞肉燉鍋》($148),用上左摩洛哥煮食器具倒轉漏斗形陶鍋,形象夠特別同慢燉會更原汁原味,呢味係摩洛哥既拿手煮雞法,濃香既醬汁又有清香既檸檬同橄欖。

叫左個《羊肉印度香飯》($168),香飯好有色較為濕身,飯亦有調料幾香,羊肉有陣陣羶味同好大舊啖啖肉。

野飲叫左《Mango Lassi》($38),芒果味幾香甜味較重,同埋好有特色既《Moroccan Mint Tea》($40),個薄荷味真係超香。

店名:Casablanca Restaurant & Cafe
地址:尖沙咀亞士厘道23-25號雅士利中心6樓

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:

發表迴響

你的電子郵件位址並不會被公開。 必要欄位標記為 *