食盡旺角 – 粒粒生果波波 大大粒珍寶芋圓

廣華街又有新甜品舖,一開門已經不停有人入去,一陣已經坐滿哂人,見到餐牌有個粒粒水果幾得意,一於叫番個黎試下。再黎就係見到好可愛既《水果星球》,有得配芒果或者椰汁,仲有西米或者涼粉有幾粒透明既晶球包住水果幾得意,生果夠鮮甜,芒果西米底酸酸甜甜。

Read more

食盡東涌 – 菠蘿仔賣菠蘿包 真菠蘿加忌廉

有睇美食車都會見過呢個菠蘿包,其實係東涌都有分店,佢地既菠蘿包係得過獎,難得去一次東涌當然要試下喇。呢個得獎美食《鮮忌廉菠蘿包》,菠蘿包面皮夠脆不過唔太熱,入面放左一大堆自家製忌廉同埋新鮮菠蘿~不過俾我揀既,都係鍾意食番傳統菠蘿包。

Read more

食盡深水埗 – 深水埗台灣牛肉麵 蛋餅凍凍地塊皮淋淋地

有一日去深水埗買完野,突然間好想食台灣牛肉麵,深水埗都好多小店可以揀,即時搵下附近邊度有得食,即時就入左去試下。既然最想食緊係要點《招牌紅燒牛肉麵》,黎到個麵只係暖暖地,牛肉食落算淋同入味,湯底唔濃麵條扁身唔太彈牙,蘿蔔有渣唔淋又唔入味,都真係好失望下。

Read more

食盡銅鑼灣 – 招牌燒春雞 雞脾打人牙骹軟

有晚想食既餐廳超多人,唯有轉移陣地,睇左幾間之後,去到呢間見到餐牌有呢隻燒雞好吸引就中左入去試。招牌《Woody’s燒春雞》真係差唔多枱枱都叫,放左個好得意寫法牌教大家點食,一摸落去隻雞真係超熱辣辣,皮香肉滑唔好顧儀態用手撕出黎食,雞油仲會流埋落下面既沙律度。

Read more

食盡上環 – 樓梯旁小店 上環創意料理

其實已經食左一段時間,而家先醒起呢個流心牛角包,位於上環長樓梯旁小店,一直都覺得呢個區食野好舒服好慢活。呢度既爆漿流心牛角包最出名,除左龍蝦湯之外,特別啲叫左《泰式冬蔭功牛角包》,一切開小小已經留哂啲湯出黎,牛角包夠鬆脆配上惹味既冬蔭功增加左辣香味。

Read more

食盡觀塘 – 日本四國學藝 自家製海苔烏冬

一到午飯時間就人頭湧湧既烏冬店,一早去拎定位坐低慢慢嘆,店主去過香川県學藝,為左整到原汁原味,更加購入日本用具同材料。呢個招牌烏冬一陣間就會清哂貨,《海苔冷烏冬配骨付雞》,幼烏冬好煙韌有咬口,啲烏冬好長又痴埋一舊食得有啲輪盡,食落又唔覺有好濃既海苔味,可以點日本醬油芥末蔥花一齊食,骨付雞好香既蒜同黑椒香味,雞肉都好嫩滑,食多就覺幾油同重調味料。

Read more

食盡旺角 – 台灣培訓調茶師駐場 萃茶機即磨即泡茶

旺角既台灣茶店店面好大又好有設計,一入去已經俾一筒筒台灣直送茶葉吸引住,再加瘋狂噴煙既5段式萃茶機夠哂睇頭。最受歡迎既《厚奶烏龍小芋Q》,先用上萃茶機五種不同程度既時間同溫度沖茶,再人手調製更順滑,飲落茶味幾濃,小芋圓切到太細粒不過幾煙韌,但配料見到有轉過所以要踫下運氣。

Read more

食盡深水埗 – 深水埗越南小餐廳 蟹膏蕃茄湯濛

深水埗好多小店,呢間開左幾年既越南店經常都好多人,而且係越南師傳坐陣炮製美食,除左要排長龍之外,入面既位真係幾擠迫。九成都會叫呢個招牌菜,《蟹膏蕃茄湯檬》,份量唔少有蕃茄豬紅札肉等等,最吸引緊係果一大塊蟹膏,湯底個蟹味好濃,檬粉都已經好入味。

Read more

食盡觀塘 – 即包鹿兒島黑豚肉餃子 即煮餃子即煎梅頭扒

觀塘工廈一向都有唔少好野食,今次去呢間凍肉店成個凍櫃可以即揀扒再專人即時煎扒,另外仲有即煮餃子。叫左《黑豚肉全手工水餃》,有得揀白菜同韭菜餃,用上左100%鹿兒島既黑豚肉,見到姐姐好努力咁包,叫完就即拎去煮,先試原味咬落去有陣陣豚肉香甜味,另外仲可以點餃子醋等調味。

Read more

食盡銅鑼灣 – 脆脆吞拿魚卷 邪惡帶子鵝肝包

銅鑼灣樓上舖有間小店,見到幾個人踢哂腳咁整野食,有啲款式都幾有創意有心思,可以將唔同既食材整埋一齊。《邪惡包》成個漢堡咁原來係帶子夾鵝肝,帶子幾厚身又鮮味,夾上油脂豐富既鵝肝又唔會太油膩。

Read more