玩盡中環 – initial x DWS 日本創作單位水影織染

Clockenflap正式開幕,除左有酒有野食有歌聽,仲有initial同日本知名墨流創作單位Dirty Workers Studio合作,墨流玩法係手拭巾上織染水影紋樣。手拭巾做織染特色係採用棉、麻等質料平織,觸感柔細,好洗快乾。不收邊的特色可以令水分可以順著棉絮尾端排出,披掛起來就能快速風乾。

Read more

食盡尖沙咀 – 鬧市中的小角落 少女花花咖啡店

尖沙咀有特色小店仔,有啲懷舊店仔,然後行過尖沙咀既一列酒吧街,突然見到超靚既花牆,原來係有新間新開既小cafe,店主營造個超靚既環境去俾客人悠閒下。個碟一上已經覺得好靚既《香檳忌廉汁海蜆扁意粉》,海蜆細細隻份量都唔太少,用蒜粒炒過幾香口,意粉較濕潤食落唔會好乾身,加上蕃茄仔更清新。

Read more

食盡上環 – 上環小河內越南餐 辣辣順化牛肉湯檬

餐廳係上環大馬路轉上去既斜路内,裝修幾現代既越式小店,入面有廿幾個位,更由越南老闆娘親自主理同下廚。越南河緊係咩都試哂《河内綜合湯粉》,一上桌份量唔少,餸料有生牛肉、牛肚、牛丸、札肉、牛腱,湯頭幾甜河粉幾滑身,不過欠左啲米香味,牛肉有啲過熟。

Read more

食盡旺角 – 天幕下特色美式漢堡 辣辣水牛城棒棒雞

天后既漢堡小店開到去朗豪坊,一上就上到去最頂天幕果層左手邊就會見到,店仔少少已經坐滿哂人,食食下都見好多人等位入去。《軟殼蟹牛油果牛肉漢堡》,漢堡層層叠咁高,夾包烘過好香脆,軟殼蟹炸得香脆唔太油膩,中間夾上生菜同半個牛油果,令到漢堡清新左,底層係juicy牛肉。

Read more

食盡上環 – 咖啡黑糖雪糕 清新巴瓦洛圈

香港人日日都好繁忙又節奏急促,放假想搵個舒舒服服既地方抖下,黎到呢度好有外國小店既悠閒,環境夠靜之外周圍又唔會好壓迫既感覺。主打既巴瓦洛圈《Strawberry Bavarois Ring》《Mango Grapefruit Bavarois Ring》,真係打卡必點,上面水晶狀既啫喱釀入左水果同食用花,士多啤梨係低糖版,芒果就酸酸甜甜,底層奶凍增加左口感。

Read more

食盡尖沙咀 – 望海食酒店晚餐 必點玫瑰花雪糕

今次我地一上就上到38樓,去到高高既餐廳慶祝,可以望到勁大個維港,仲要係酒店幾grand既環境食飯,慶祝都係唔錯既選擇。店員推薦既《蟹肉雙重奏》,好特別地用左冰水晶球,成個都凍冰冰都好特別,藍蟹肉沙律再配上阿拉斯加蟹腳,混入牛油果同芒果夠鮮甜。

Read more

食盡銅鑼灣 – 伴維港靚景晚餐 超厚身帶子意粉

如果慶祝或者一大班人食野都好,都想有個方便又靚景既地方。呢度位處銅鑼灣對住維港食飯,又可以靜靜地慢慢地食既餐廳。主菜《Honey Roasted Barbera Duck Breast》,鴨烤至半熟咬落香口,配上左紅酒汁。擺盤好靚,用上左紅菜頭汁同埋茄仔薯仔。

Read more

食盡尖沙咀 – 米芝蓮一星拉麵 招牌醬油人氣鹽味

全球道間米芝蓮一星日本拉麵店,香港人去到成日都朝聖,之前終於開左黎香港,終於都搵到機會去拜一拜會。濃味少少既《醬油味玉拉麵》有分大同標準拉麵,細食啲既可以食標準,味玉煮得剛好中間微流心,湯底用海蜆魚乾鮮雞熬成,加上松露醬,麵條幼身掛汁唔錯。

Read more

食盡旺角 – 台式養生煙囪火鍋 烏雞湯加任食牛肉

而家潮流興養生,打個邊爐都可以做到養生,一於叫番個滋補鍋,再飲埋養生茶,加上台式獨特既煙囪火鍋夠睇頭。總共有六款湯底可以揀,《滋補烏雞鍋》有半隻烏雞上枱,入面再為左紅棗等等煲埋一齊,一上枱就聞到陣好滋補既香味。

Read more

食盡大埔 – 新開大埔台式小店 脆炸熱辣辣花枝丸

有日行過見到新間台式小店,大埔都唔算好多台式野食,通常都係去一兩間,見到晚餐都幾多人等位,就去等一等試一試。台式點可以唔食肉燥飯,《酥炸豬扒肉燥飯》份量唔算細,肉燥偏瘦肉個汁濃味有啲稀身,豬扒應該醃得好過份,炸皮幾薄不過幾油幾粉。

Read more