食盡銅鑼灣 – 即場表演甜品騷 自家製高水準甜品

甜品食得多即場係你面前畫又食過未,即叫即揀枱墊就有專人介紹同即砌即畫,真係一面欣賞住藝術品一面又可以食甜品一舉兩得。

今次就黎到呢幢大樓度,差唔多成幢都開左野食變左搵食天堂,一上到去就已經係餐廳,真係圍住左成個廚房黎坐都幾特別。

圍住坐既高枱就岩哂睇席前即畫既甜品既客人坐,而如果就咁叫甜品既就可以坐則邊既梳化位,仲可以望住外面銅鑼灣既景色嘆甜品。

熱辣辣既天氣,貼心既店員一黎就整個凍冰冰既Welcome Drink真係無得彈,見到用上左新鮮既士多啤梨整出黎用料夠充足。

揀好左要《席前甜品》($348)之後,店員先俾左黑色白色同透明既枱墊我地揀,揀好之後就即時開始喇,先用上左四種唔同既材料黎畫左個Base先,有朱古力椰子芒果等等畫出黎。

之後用上左成個過程最靚既一幕,用上左-190度既液態氮整雪糕,一倒落去就勁多煙飄哂出黎,係正你面前整真係成個仙境一樣。成個過程其實有好多唔同既互動,包括介紹食材,試畫試整都可以。

終於個完成品出左黎喇,真係好多唔同既材料,睇上去真係成幅畫咁好色彩繽紛,當然見到每個人都會不停咁影相打卡留念喇。

介紹下入面既食材,先黎就係頭先用上左液態氮整既雪糕,分別左竹炭朱古力味同士多啤梨荔枝味,一隻入口真係好濃朱古力味,另一隻就果味較重較清新,記得整完要等煙散哂先好食唔係就會痴住條脷。上面仲加上條條既龍鬚糖,用左咁特別咁靚既方式真係好有創意。

另外會有幾set既甜品組合,入面有黃仔粒粒既柑桔啫喱酸酸地,感覺好夏日。奶凍超特別用上左接骨木花同七喜黎整,口味好特別同好有特色。朱古力脆片超脆身同配上咖啡忌廉好夾。唔少得既當然係朱古力布丁同埋大家都好鍾意食既抹茶麻糬。

呢個菠蘿脆脆粒超鍾意食,有勁香既菠蘿香味同埋粒粒夠脆身,全部既甜品都係自家製作夠哂心思同夠哂特別。

最後就會畫上大家揀既字句,周年紀念或者生日都好多人畫,我地當然要畫番自己既招牌名喇,仲見到人地可以要求畫公仔。

食完之後配上野飲夠哂滿足,《Chocolate 70%》($48),一黎已經聞到好香既朱古力味,飲落真係啖啖朱古力香仲見到有少少溶朱古力夠哂足料,當然70%就會較為甘醇,喜歡朱古力既朋友一定鍾意。

店名:ATUM Desserant
地址:銅鑼灣駱克道459-461號The L. Square 16樓

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:

發表迴響

你的電子郵件位址並不會被公開。 必要欄位標記為 *