食盡上環 – 自家製牛肉漢堡 咖喱竹炭咖啡包

上環一向都係寧靜Cafe之選,之前都去左幾間唔同既地方飲下咖啡嘆下,今次又發堀多間樓梯小店,好天仲可以坐店外嘆下陽光。

行到門口已經見到好柔和既藍白配既設計,好似藍天一樣咁舒服,外面放左啲位如果鍾意享受陽光都可以坐外面,入面都係店仔細細,但有張大台就算一班人黎都可以一齊坐。

入面即使店仔細細都有好多好有心思既設計,牆上面不規則咁顯示既鐘真係好鍾意,仲有細磚仔砌出黎既花牆同埋門口既貓公仔都好可愛。

主打既《0pt.10 Beef Burger》($88),有五款味道既包可以揀,揀左竹炭同咖喱味,唔係睇佢小小一個,實情厚到一口都咬唔哂,一讚係咖喱味既包真係好濃,一齊食好似咖喱牛肉一樣,仲配埋即炸連皮薯角。

悠閒之選《Two eggs with Pancake》($75),揀左炒蛋再揀左配料要蕃茄同腸仔,炒蛋炒得夠滑溜,蕃茄烤得岩岩好又唔會酸,配上兩塊班戟同新鮮既蔬菜,全部都係即叫即製。

熱辣辣當然叫杯凍冰冰既smoothies飲《Strawberry Smoothies》($45),打出黎夠滑,配上士多啤梨味就夠哂fresh,《Coffee Smoothies》($45)亦有淡淡既咖啡味。

店名:0pt.10
地址:上環城皇街17號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: kjfoodlife@gmail.com

餐牌:

發表迴響

你的電子郵件位址並不會被公開。 必要欄位標記為 *